اخواتى السلام عليكم ورحمة الله
انا عندى افكار هى ممكن ما تكونش جديده لكن ان شاء الله تستفيدو منها
وهى تدوير بقايا الطعام ليس من باب الوفر فقط لكن من باب المحافظه على النعمه
1- اى بواقى رز اضعها فى الثلاجه وثانى يوم اضعها مع الرز الجديد وهو فى مرحلة نصف السوا
مش بيبان نهائى والطعم عادى
2- لو مش حا احتاج بواقى الرز اضعها فى الفريزر واجمعها واسخنها على البخار واضيف عليها باقى مكونات الكشرى
3- بواقى الفراخ ينزع منها العظم وتفرم فى الكبه ونضيف عليها بيضه او اكثر حسب كمية الفراخ وتوابل ونقليها
فبذلك حصلنا على كفتة فراخ
3-بواقى المكرونه توضع فى الفريزر و نجمعها ونعملها بالبشاميل
4- بواقى السمك ينزع عنها الشوك وتوضع على بطاطس مسلوقه ومضاف اليها دقيق والسر فى الدقيق حتى لا تشرب
زيت وتتفتت اثناء القلى ثم يضاف لها ثوم وشبت وتوابل وتقلى وحصلنا على كفتة سمك
4- لو عندك اى معجنات وحابه تسخنيها وممكن تنشف فى الفرن تلف بفويل وتسخن على البخار
وممكن تسخين المحشى بنفس الطريقه
5-بواقى الزبادى او الحليب توضع فى الفريزر للكيك والمعجنات
6- بواقى الخبز لا تستهترى بها اطلاقا تحمص خفيف وتطحن بقسماط
اضع عليها زبده وادخلها الفرن واضع عليها زعتر او بواقى جبنه او اى ناكهه تفضليها افضل من البيك رولز وصحى وتسالى للاولاد
7- قشر البرتقال اضعه فى الفريزر واضع منه على الكيك نكهه طيبه وللقضاء على الزفره
8- قشر الليمون فى الفريزر حتى تتجمع منه كميه ويغلى وماءه فى بخاخ التنظيف خل وفيرى وصابون سائل
9- فكرة البخاخ فى المنظفات موفره جدا
10- بواقى الصابون تبشر وتغلى مع ماء على النار واضعها فى علبه لغسيل اى اوانى المنيوم لمعه رهيبه
11- الصابون السائل فى زجاجة الصابون اليدوى الفارغه واضغط على الاسفنجه موفره جدا
اتمنى ان تستفيدا من هذه الافكار ونحتسب النيه المحافظه على النعمه وعدم الاسراف ثم التوفير
ولا تنسونى من الدعاء بظهر الغيب

ما شاء الله عليكى يا عروس النيل جبتى الحاجات دى منين يا قروبه

مدام وائل

يا ريت تضمى الموضوع دة لتتجمع بتاعنا
مهو الشطارة منها التوفير بردة

اعملى استفتاء وشوفى راى الستات الشاطرين هههههه
اية رايك

عروس النيل
ربنا يكرمك ويزيدك من الثراء الفكرى والمادى ان شاء الله

انتى بتخزنى قشر الليمون والبرتقال ازاى بالتفصيل الله يكرمك
بتبشرية ولا زى ما هو؟؟؟

على فكرة

اناجربت تايد الاوتوماتيك حلو اوى ورخيص
وجربت بونيكس رخيص بس وحش جدا نصيحة متجربوش

والبطاطس اليومين دول اشتروها على الاد
لانها بتبوظ بسرعة

mado -----تايد حلو فعلا يعني زي الاريال و البرسيل ولا اقل؟؟؟
لاني عمري ما جربت اجيب حاجه غيرهم بس غليوا اوي