الدوره الشهريه والحاله النفسيه والزوج ونفسك

السلام عليكم ورحمة الله وبركاته
صباحكم خير
اخواتي انصحكم بسماع محاضرات عن تطور الذات والانوثه والثقه بالنفس والحياه الزوجيه والايجابيه على اليوتيوب مجانيه
وتحل 90 % من مشاكلنا الحياتيه والاسريه
كل بنت عندها مشاكلها الخاصه سواء مزوجه ولا عازبه ولا ارمله ولا مطلقه
الفرق بين وحده والثانيه كيف تتعامل مع الامور والمشاكل وانا نفسي يوم اواجه مشكله ماعرف اتعامل معاها
بس استشير الاخرين واستخير وادعي ربي لين الله يريني الطريق الصحيح
عشان تنقذين نفسج من الام والهم والتعاسه حبي نفسج قدريها اكرميها لا تهنينها انتي في المرتبه الاولى وبعدين اي كل شي
ريلج بخيل غبي قاسي جاف فيه الي فيه لنفسه انتي اكرمي نفسج وحني عليها وتعلمي مكر النساء عشان تعرفين كيف تتعاملين مع الزوج
الي خلاني اكتب الموضوع اليوم
انا قبل كم سنه كنت افكر بطريقه مختلفه بس لان في الدوام يخلونا نحضر دورات ما قبل الزواج مجانيه صرت افكر بطريقه مختلفه فحبيت اني
اقولكم الثقافه والعلم والاطلاع تغير الانسان للافضل ويعرف شو له وشو عليه ومستحيل حد يقدر يهينه ويقسو عليه الا اذا هانت عليه نفسه
تاخرتي عن الزواج ليش تقسين على نفسج يقولون الي يقولونه !! شو عليج من المجتمع وغبائه اثبتي لنفسج اول شي وللمجتمع انج سعيده ومرغوبه وصعبة المنال عشان
يقدرونج ويشوفونج تستحقين يخطبونج خليج من نجاح لنجاح في الدراسه في الشغل في اي شي والكلام لج يالمطلقه والارمله وهالالقاب تراها عاديه ومشرعه في الاسلام لا عيب ولا حرام !!!
لاتخلين شخص جاهل يحسسج انج ناقصه ولا فيج شي لانج طفتي الاربعين ومازجتي الحين ما يبين العمر على المهتمه الرياضه والاكل الصحي والعنايه ولا مطلقه ولا ارمله لدرجة في بنات يسالن نسوي عرس نلبس فستان!!! ليش ماتسوين من حقج تفرحين
وتبتدين حياه يديه
الموضوع طويل وما ابا اتشعب
بس ما بتنحل مشاكلج الا يوم بتتعلمين كيد النساء والحين الطرق سهله بس سمعي المحاضرات شوي شوي بتعرفين كيف تتعاملين مع الواقع
انا مب احسن منكم مرات احس اني في نفق مظلم بس شوي شوي اطلع منه وارجعله المجتمع يقسو علي مثل ما يقسو عليكم بس احاول اقوي نفسي
مره اضعف مره اقوى مره انهار واصيح وارجع اتمالك نفسي يعني كلنا نمر بهالامور وشي طبيعي بس الي مش طبيعي نستمر في هالشعور فتره طويله
لفت انتباهي اليوم بنت تشتكي من زوجها وقت الدوره ومنهاره لانه قاسي عليها !!!
وقت الدوره ربي اعفانا عن الصلاه لان نمر بمرحله هرمونيه في الجسم حاولي تسيطرين على ردات فعلج بهدوء والزمي الاستغفار
لا تسمحين لنفسج تصارخين وتعصبين
كنا نكون حساسين ونصيح ووووو
الريال ما يتجرء الا على الزوجه الضعيفه المهمله الي ما تقدر نفسها
تخيلن معايه وحده عندها نوت صغير كاتبه وكل شهر تحدد فيه ايام الدوره
يعني تعرف متى دورتها الشهر الياي
اول ما تشعر بالالم تاكل بندول لا تقولن مب زين !! كلنا ناكله مايصيرلنا شي لا تتركين نفسج للخزعبالات
لا تاخذين لا تسوين لا تتغسلين ووووووو
الطبيبات الاجنبيات يسون رياضه في جو درجة حرارته 5 تخيلن في الثلوج يركضن وعليهن الدوره
نحن يالعرب في عندنا اشيء غلط
وفي اشيء صحيحه بس لا نبالغ فيها
انا مع انى ندفي عمرنا بس الي تلبس ثياب رثه وما تتعطر لان قالولها العطر مب زين للي فيها الدور !! ولا تاخذ شور ولالالا
هذا خطاء
طبعا كلنا نبتدي يومنا بشور
اذا يج الدوره سشوري شعرج ولا سويه كيرلي حسب ما تحبين بعد الشور
حطي مناكير لونهن حلوووو " اذا طلعتي لبسي قفاز او امسحيه حق الزوج فقط "
لبسي بجامه حلوه كيوت بالوان تفتح النفس قبل النوم ولبسي لبس حلو في البيت مريح في النهار
حسسيه بهدوء وانوثه انج تعبانه بس لا تحسسينه انج مريضه وتصارخين وتعصبين مب حاله كل شهر نفس الموال تبين تطفشينه واذا حسيتيه قاسي قوليله بحزن ونظرتين والله يسامحك
عشان يحس ع دمه وتخلين ضميره يانبه مهما قال لا تردين عليه يوم بيخلص كلامه قولي شي سوي شي ما يتوقعه نظرة عتاب والله يسامحك كيله تهدي الامور
الرجل يحترم البنت الي تقدر نفسها وتقول الي تشعر فيه بهدوء وفي الوقت المناسب وتقوله بعد اذنك ما اقدر اسوي العشا او الغداء اليوم ياليت تيب من برى
في حالت وايد تعبانه يعني تحسسه بس بانوثه
ريحتها تكون حلو بارده خفيفه جميله فرش منعشه
تبدل كل ساعه " ...." تغسل وتنشف زيييييييييييييييييين عشان ريحتها تكون حلوه ابدا لا تتركينها تطول ابدا اقتصدي في كل شي الا هذا الشي في بنات كل نص ساعه يبدلن
تشرب بابونج دافي او اي مشروب دافي تدفي عمرها بس لا تبالغن وتقولن بيدخلنا هوا وبيطلع هوا !!!
هوى الارحام علاجه الرياضه كل يوم من نص ساعه لساعه بسبب الترهلات والكسل وغيره وغيره
المهم يكون شكلج كيوت ومريح للنظر والنفس
لا تكونين بشكل يخليه يجرا عليج
اي انسان يستحي يرفع صوته على الي صوتها هادي ومودبه وخلوقه وشكلها وايد مرتب ونظيف وتستخدم كلمات
لو سمحت
بعد اذنك
شكرا
اسفه " ماقصد الاعتذار اقصد اسفه حبيبي ودي اسوي هالشي بس مرهقه او اي شي ثاني
ام لسانين ما بتستفيدين وبتخسرين نفسج وزوجج
الهاديه المودبه المرحه هيه الي بتربح
الطبع يغلب التطبع اذا عصبيه اهدي اهدي اهدي لا تصارخين ولا تقولين كلام يجرح الاخر
هذا بعض من مااذكره من بعض المحاضرات
دعواتكم لي بزوج يسعد قلبي عاجلا ليس اجل