قوووه حبيباتي بنات حـواء شلووونكم
تدرووون وربي صرت احب هالقسم عشانكم فيه :42:
المهم بنات بقوولكم شنو صار لي وسبحان الله هالشئ ماتوقعت انه ابد يصير لي ...يعني اسمع فيه من البنات واقوول معقووله هالشئ يصير المهم .. بقووولكم السالفه عشان تفهموون علي ..
انا يابنوتات عندي ولد الله يحفظه عمره 3 سنوات وعقبه ماجبت احد .. بحكم اني ادرس .. وهرمون التستسيرون كان مرتفع عندي ومعطيني منااعه ..
المهم من 6 شهور فكرت جدي بموضوع الحمل كسر خاطري ولدي وانا بعد ابي طفل الله يرزقكم ويرزقني وجميع المحرومات :(
المهم عالجت الهرمون والحمدلله وكل شئ عندي سليم ... اول شهر بعد العلاج ماصار حمل..
ثاني شهر قررت اروح لدكتور اشوف التبويض .. << قالي كل شئ سليم بس ابي اعطيج ابره تفجيريه ..
عاد انا يابنات ماعندي خلفيه ابدا ابدا عن هالابره .. وبعد مرور 3 ايام على نزول البويضه قلت بسوي تحليل منزلي صابت ولا خابت :22:
وطلع خطين ويافرحتي رحت ابشر زوجي وطاار من الفرحه ويالله على الدكتوره... عاد اهني نجي للكسحه والفشيله من قلب ... هاوشتني وقالت هذا من مفعول الابره المفروض عقب 14 يوم يبين << احلفي طيب ليه ماقلتوا لي ...
المهم واقووم اجر اشلاء الخيبه والفشيله من زوجي العزيز .. بس املي بربي كبير ..
المهم عقب 14 يوم نزلت الدوره ... مع ان موعدها باقي عليه 5 ايام ... ورحت للدكتور وسوالي سونار مهبلي وشفت كتله سوداء داخل الرحم قالي هذا دم الدوره .. المهم عطاني كلوميد ... وربي يقهر قالي بعظمه لسانه ماعندك مشكله بس اكليه 3 مرات << وانا من الدفاشه اكلت حبتين وسئلت الدكتوره رانده الله يجزاها خير قالت مااااله داعي اتركيه يمكن يسبب امراض انا في غنى عنها ..
ودي ارووح اكفخ هالدكتور من قلب حسبي الله عليه .. عاد تركت الحبوب وحرمت اراجع دكتوري
المهم مرت ايااام الدوره غريبه .يعني دورتي خفيفه وماتمشي حييل هالمره كانت سوداء قلت يمكن من الابره .. ومن خامس يوم تكرمون صار لون الدم بني واهو باين انه مو دم يعني لاريحه ولالون وفيه شوائب .. استغربت ماعمرها طولت .. ومر 6 و7 و8 وهالسائل مستمر بس على خفييييييف ..
المهم انا شكيت بالوضع ...
وسويت تحليل حمل منزلي ...
طلع خطيييييييييييييين :eek: حسبي الله عليك ياهالدكتور
واروح ابلغ زوجي بس تحطم ماعاد يصدق عقب المره الاولى ورحت سويت تحليل رقمي طلعت النسبه 400 وايام الابره كان 100 وشوي ..
المهم استعملت دوفستون ووقف الافراز على طوول .. ورحت اليوم سويت اشعه تلفزيونيه ..
طلع الرحم فاضي مافيه حمل ...
وقالي دكتور الاشعه مع هالنسبه احتمال يكون حمل خارج الرحم :(
قالي قدام 3 حلول انك تحللين عقب كل يومين واذا نزلت النسبه معناها اجهضتي ... اما اذا ثابته او تضاعفت فالوضع حرررررررج ... :09:
شفتوا شنو صار يابنات
ادري طولت عليكم بس حبيت افيدكم عشان محد يغلط غلطتي ... وابيكم تدعون لي تكفون ان الحمل يكون اجهض << صدق اتشفق على الحماله وابيها بس اذا خارج الرحم خطيررررررره ويمكن الله لايقوله يشيلون انبوب هذا الي سمتعه صار لبنات ..
تكفوون ادعولي ان نسبه الحمل الدم تقل وماتتضاعف ...
ويمكن احتمال باجر او عقبه احلل اشووف لاني محلله امس ولازم عقب يومين
الله يرزقكم يارب بالحمل السليم وصدقوني وربي ادعيلكم حتى في صلاتي والله حتى بالعشر الاواخر ادعي لخواتي بنات حواء بالحمل السليم عاجلا غير اجل .... لاتنسوني
واسفه على الاطاله ... أحبكم في الله
يلزم عليك تسجيل الدخول أولًا لكتابة تعليق.
lonely4e
•
الله يعينك وان شاء الله يكون الحمل نزل لأني اعرف ان الحمل خارج الرحم خطير 00 واحتمال هذا من الكلوميد لأنه يسبب الحمل خارج الرحم وانت اكلتي ثلاث حبات ويمكن ما كنتي تحتاجين وانت تبويضك سليم00 نصيحتي خلي الحمل يجي طبيعي يعني بدون منشطات خاصة وانتم ما تشكون من شئالله يعينك وان شاء الله يكون الحمل نزل لأني اعرف ان الحمل خارج الرحم خطير 00 واحتمال هذا من...
هوازن نجد .. تسلمين على مرورج يالغلا ... بس حبيبتي .. انا ماكنت ابي استخدم اي شئ كنت رايحه اتطمن من انه كل شئ عندي زين والحمدلله .. بس هالدكتور استغل جهلي وغبائي وقام يجرب فيني الله لايوفقه .. وبالنسبه للكلوميد اكلت حبتين فقط لاغير ...
هل صحيح انه يسبب الحمل خارج الرحم ؟؟
والله يجزاج خير ياحبيبتي ويوفقج يااارب
هل صحيح انه يسبب الحمل خارج الرحم ؟؟
والله يجزاج خير ياحبيبتي ويوفقج يااارب
الله يشفيك ياعمريالله يشفيك ياعمري
أجمعييييييين يااااارب تسلمين حبيبتي بمبه والله يرزقج يااااااااارب الحمل عاجلا غير اجل
وحبيت اقوولج انا متابعه موضوعج حبيبتي عليج بالرقيه الشرعيه وتضعين ايدج على مكان الورم الليفي الي فيج واستمري ون شاء الله ربي يشفيج
انا لو اقدر نزلتها لج بس ماعرف ..
تلقينها يالغلا بموقع شفاء والله يعافيج ويرزقج
وحبيت اقوولج انا متابعه موضوعج حبيبتي عليج بالرقيه الشرعيه وتضعين ايدج على مكان الورم الليفي الي فيج واستمري ون شاء الله ربي يشفيج
انا لو اقدر نزلتها لج بس ماعرف ..
تلقينها يالغلا بموقع شفاء والله يعافيج ويرزقج
الصفحة الأخيرة
نصيحتي خلي الحمل يجي طبيعي يعني بدون منشطات خاصة وانتم ما تشكون من شئ