الدوفاستون وكلام الدكتورة وحالتي النفسية

السلام عليكم ورحمة الله وبركاته
كيف حالكم بنات
سامحوني لو ثقلت عليكم بس نفسيتي تعبانه وحابه افضفض :(
انا من اكثر من سنة راجعت دكتورة ووصفت لي الدوفاستون وادوية منشطة ولكن تعرفون حالات الاحباط واليأس اللي نمر فيها وخلالها قطعت الادوية وقلت بتركها لربي والحمدلله على كل حال
دورتي طبعا تلخبطت وصارت تنزل شوي وتنقطع وتظل طول الشهر على هالحال فاضطريت ارجع لدوفاستون عشان ينظمها خصوصا انكم عارفين اللخبطة والتاخير والوهم اللي يتبعه لانه الوحده تشك انها حامل وآخرتها الصدمة والحمدلله على كل حال فقلت الحبوب تنظمها وتريحني من الوهم :(
المشكلة ان بعد 4 شهور مع الحبوب قريت كلام لدكتورة المنتدى انه مو زين نواصل عليه و3 شهور كفاية بعدها لازم راحه لانه يسمك بطانة الرحم وعلى كلامها ريحت الشهر الخامس ولكن المصيبة انه الدورة ما نزلت ابد وتخيلوا نفسيتي اللي اندمرت لاني توهمت اني حامل وفرحت وكل تحليل يطلع سالب اقول لا اللي بعده ان شاء الله لحد ما قطعت الشك باليقين وتحليل الدم بين انه ما في حمل ما اوصف لكم عاد يومها الحالة النفسية والدموع وعلى طول اخذت الدوفاستون مرة ثانية ومو ناوية اتركه لحد ما ربي يكتب لي الحمل ان شاء الله ولا اللخبطة والنفسية الزفت بين فرح ووهم وصدمة واحباط بس مشكلتي الحين كلام دكتورة المنتدى مخوفني هل فعلا الدوفاستون يسمك بطانة الرحم انا اشوف بنات ياخذونه سنين عادي خصوصا لو الدورة ما تنزل من غيره ؟؟؟