السلام عليكم


هاهاهاها منجد اني تووووحفه :icon19:

من اول اقرى الموضوع و متحمسه
لا و كمان حطيت الصفحه بالمفضله
قلت خلاص بشتري هالكريم ان شاء الله و بسال عنه الصيدلاني :rolleyes:

الا اروح للصفحه الثانيه مدري الثالثه
و اشوف المفاجاه :confused-

وحده الله يجزاها خير حاطه صورته


وااااااااااو طلع نفس الي استخدمه :icon20:
لا و كمان محطوط جمب الكيبورد عندي
توني حاطه منه
بس الي كان جمب الكيبورد هذا حق النهار الي لون غطاه اخضر
قمت طلعت الثاني الي عالرف علشان اتاكد انه نفس الي بالصورة و فعلا طلع نفسسه :laughing:

الموهييييييييم
دام شئ جالسه استخدمه بقولك سالفتي وياه

هذا الكريم صرفته لي الدكتورة

بس قبل رحت دكتور جلديه و شكيت له من آثار الجروح
لاني من النوع اذا انجرحت مايروح اثر الجرح حتى لو عدى عليه سنه او اكثر
يعني يمكن يخف بس يظل واضح

و مقهورة من هالشئ لاني من يومني صغيره و انا حركيه يعني اتجرح وايد
و صار جسمي كله آثار جروح مثل الاولاد

لمهم صرفت لي بس الي غطاه اخضر

و اخذته و لاني كسوله استخدمته اسبوع او لو طولت اسبوعين
و ماكنت اداوم عليه

و شفت انه مافي نتيجه فطنشته

و رجعت رحت للمستشفى نفسها و طلبت دكتور ثاني و شكيت له
يوم شاف ملفي قالي انتي جيتي و عطانيكي الدوا

قلتله هذاك مافادني
قالي مافي غيره و لازم تستمرين عليه علشان يعطيكي نتيجه
قلت طيب طيب يصير خير
و اخذت الي صرفه لي و رحت
يمكن هذا الكلام من قبل 3 سنوات او اكثر شوي
الموهيم

طبعا ما استخدمت الي صرفه لي الدكتور
طنشت و للمره الثانيه


و مره رحنا لمستشفى ثانيه فيها دكتورة جلديه نعرفها
و هي اختصاصيه
سالتها و قلتلها ترى مليت من هالكريم الي كل مارحت مكان صرفوه لي

قالتلي مافي غيره لحل مشكلتنا يا السمر لانه هذي طبعة السمر لمن ننجرح تظل اثار الجروح علينا و ماتروح بسهوله

و قالتلي بس انا بعطيكي كريمين واحد تستخدمينه بالنهار وواحد بالليل

و عطتني هم
و مشيت عليه يمكن ثلاث اسابيع او يمكن شهر

و بعدها سافرت و بطلت استخدمه شهرين
هالحين يوم رجعت من السفر شايفه أثر جرح من جروحي مررررررررررررة خف
صار مايبان واضح زي اول

و انا يوم كنت استخدم هالكريم كنت اكثر شئ مركزه على هالجرح لانه كان مررررة غامق
بس هالحين خف
فعرفت انه من هالكريم
فلحين لي اسبوع مداومه على الكريم و عرفت ان له مفعول طيب بس يبغاله صبر و استمرار
و حاطتهم على طاولتي حق الكمبيوتر علشان ما انساهم كل ماتذكرت حطيت منهم


بس قصه اني ما اطلع فيه في الشمس بصراحه مدري عنها

بس كويس انكم نبهتوني

و على فكره
الكريم الي حاطته صورته الاخت هذا حق الليل

يعني الي غطاه بنفسجي هذا حق الليل و اعتقد علشان كذا مايصير نطلع فيه بالشمس

و حق النهار الي الدكتور قالتلي حطيه بالنهار لون غطاه اخضر

بس يابنات انا بريه مو تروحون تحطون الي غطاه اخضر و تتطلعون بالشمس
ترى انا مدري ان كان عادي او لا
انا عن نفسي ما اطلع فيه برى البيت
و حتى لو طلعت انا احطه على مناطق مرة صغيره بيدي و رجلي يعني على اثار الجروح بس و يكون مغطى بالعبايه و اللبس لو انه نسيت و طلعت و هو على جلدي

فلالفضل تحطونه و مماتتطلعون فيه بالشمس


هاهاها ادري اني طولت مرة و قلتلكم قصه حياتي

بس علشان اوضح لكم و ما انسى اقول شئ او اقول شئ و ماتفهموني صح و اقوم اتحاسب

مشكوره حبيبتي على الرد
جزاج الله خير
وعسااااااه يفيد
بس مع شنو اخلطه؟؟؟؟؟

الاخت قهوة قرنفل قالت انها تخلط الدكوين مع كريم اصفر شنو اسمه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لان بصراحه قالت ان ياب معاها نتيجه

بنات حواء هذي المنطقه الكل يشكي منها خلينا نساعد بعضنا ؟؟؟؟؟؟؟
مو معقوله الكل بيدش يقرا ويطلع ؟؟؟؟؟؟؟؟؟؟؟؟
شلون بنستفيد من بعضنا ؟؟؟؟؟
اتمنى من كل وحده عندها معلومات عن الي نتناقش في تعلق ؟؟؟؟؟؟؟؟؟؟؟؟؟؟؟؟؟؟؟

اكيد الدوكين يفتح البشرة ...بالنسبه لي استخدمته ولقيت منه نتيجه بس مع الاستمرار تكون الاستجابه بطيئة...هذي تجربتي..