كيف حالكم ياغاليات
اليوم حبيت أكتب طريقة الدونات طبعا هي طريقه غير الطرق المعروفه للدونات لكن الطعم جدا لذيذ ورائع. وممكن تشكلونها بأي شكل أنا هنا شكلتها بشكل كور دوائر وحشيتها جبن وعند التقديم رشيت عليها سكر بودره وانتوا زينوها بالطريقه اللي تحبون.
ممكن هيرشي سايل. ممكن حليب مركز محلى. ممكن جالكسي تذوبونه. يعني باي طريقه.
المقادير :
٢ كوب طحين
ربع بيالة زيت
١ ملعقة كبيره سكر
١ ملعقة كبيره خميره
١ بيض.
٢ ملعقة كبيره زبادي
شوي مره بيكنج بودر
________
الطريقه:
اضع في صحن عميق كل المقادير واعجنهم مع
شوي ماء دافي اعجن اعجن لما تكون عجينه لينه
بعدها اخليها تتخمر ساعه ثم ابدا اشتغل فيها
احشي كل قطعه جبن واكورها واصفها في صحن
ثم أقليها في زيت وبعدها اضعها في صحن التقديم
وارش عليها سكر بودره.. وبالف عافيه 🌺
وهنا شكلتها بسرعه بشكل ثاني وصبيت عليها صوص شوكلاته.. كنت مستعجله 😁
اتمنى تجربونها لأنها فعلا لذيذه 🌹
