طريقتي بالدونات
ومعتمدتها من زمااااااااااان
وكل من ذاقها مدحها واخذ طريقتها
قلت مابي ابخل علي خواتي فيها
نجي للمقادير
المقادير"
4 كوب طحين
ملعقه كبيره خميره
ربع ملعقه بكم بودر
ربع كوب سكر
نص قالب زبده او ربع كوب زيت << حسب الموجود
3 بيضات
كوب حليب ( كوب ماى +4 ملعقه حليب بودر )
شوى فانيلا وملعقه عصير ليمون لريحه البيض
انا احط بعد شوى هيل وزعفران <<< غرامي الزعفران بكل اطباقي
الطريقه"
نخلط المواد السائله
البيض والحليب والزبده او الزيت والسكر والفانيلا والخميره
ونخلطهم سوى وبعدها نعجن معاه الطحين والبكم بودر لين تكون عجينه متماسكه نفس عجينه الفطائر
نتركه لين يختمر ويتضاعف
يعني ساعه او حسب الخميره لمن تكون جديده يخمر بسرعه وهم حاله الجو لمن يكون برد يتاخر التخمير
يعني العجينه تكون بمكان دافي
لمن تختمر نكورها لكورتين كبار
ونخليهم يرتاحو 5 دقايق
وبعدها نمدها لسمك واحد سم
وتترك لربع ساعه
ونقليها
للي يحب يدخلها الفرن يمسحها بالبيض ويدخلها الفرن
هني التجميل حسب الذوق انا ازينها اما بالشيره
او بالكاكاو<<< هو المطلوب
او بالسكر البودر
حسب الذوق
اخليكم مع الصور
نمدها لسمك واحد سم
هني مبين الهيل والزعفران
وهني يوم قطعتها وخليتها ربع ساعه
هذا اللي قطعته الدوائر اللي بالوسط
هني بعد غيرت شوى من بواقي العجينه تشكيله مثلثات
وهني يوم قليتها