كيفكم حبيباتي عااااد انا اليوم قررت اتحفكم بتجربتي الخطيره مع عمل الديكوباج والله دايم اشوفه ولا عمري فكرت اجرب ولما جربته لقيت الشغله يبغالها فن وهندسه خخخخخخ والله مهي هينه يمكن عشان اول مره!
اول ما حطيت المنديل على الغرا مسكين صار عنده تجاعيد ما يعلم فيها الا الله وطبعاً شمرت عن اكمامي وسويت له عمليه شد وجه ومغطة تمغــــــــــــــــط لين رجعته كانه ابن العشرين ههههههههه
والغرا ماتدرون ايش صار كنت شيك وقاعده اوزعه بالفرشه ومسويه اتكيت وحركات وزوجي حبيبي قاعد جنبي يقول ايش تسوووووين طبعاً انا مسويه شخصيه مهمه واقوله شي ما تعرفه لما اخلص بتشوف رافعه حاجبي واااااثقه من نفسي.. قال طيب خلصي وخلينا نشوف اول ما حطيت طبقة الغرا اللي فوق ما تشوف عينك الا النور فقاقيعععع من كل مكان احاول اطلعها بالفرشه مافي فايده قلت ماااابدها يا بنت سويها بيدك وارمي الفرشه واشتغل بيدي وزوجي يقول ليش بيدك اقوله منت فاهم كذا الطررريقه:icon33:وبعد جهداً جهيــــــد خلصتها واطالع في زوجي واقوله هاه كيف حلووووه بدون ما يطالع قال لا!:icon33:حسيته شايل مني من شوفة النفس اللي كنت فيها خخخخخخخخخخخخخخ وبعدين قلتله بالله شوفها حلوه قال ايه حلوه
انا كنت بسوي مجموعه بس بعد هذي التجربه المريره بطلت
شوفو الصور ويا خوفي انتو بعد تقولون حلوه بدون نفس زي بعض ناس ههههههه