الدين عندنا حنا وبسسسسسسسس(احتكار)

بسم الله الرحمن الرحيم
السلام عليكم ورحمة الله وبركاته
اخواتي في الله بنات عالم حواء
في العشر الاواخر من رمضان ربي يسر لي ورحت اخذت عمره والحمدلله وكان الناس الكتف بالكتف ولاهذيك المره اللي تضحك وتتريق عاى ناس يدعون بصوت عالي وذاك الرجال اللي يضحك على ذي اللي مصره الا تصلي ورا مقام ابراهيم وكلام سمعته ماقدر اكتبه لكن اتمنى تفهمونه من سياق الموضوع
المهم ياخواتي صرت امشي واقول ماتدرون الله يقبل منكم او منهم
وضاقت بي الدنيا ومن يومها وانا ودي اكتب هالموضوع
الى متى وحنا نحقر الاخر ولا نقبل منه
الى متى وحنا نحس انا حنا الصح وغيرنا خطاء الى متى
الى متى وحنا نحس ان الدين عندنا وغيرنا ماعندهم سالفه
الى متى نرفض النقاش وان ناقشنا بفرض الراي نحن الافضل نحن الافهم
الى متى ونحن عنصريين الى متى
الى متى ونحن نؤمن باختلاف المذاهب ولانؤمن بتطبيق عملي لذلك
الى متى الى متى
فيه ناس تحب الله ورسوله حب عظيم جو من اخر الدنيا لله وفي مذاهبهم امور جائزه بعكس مذهبنا ليه مانقبلها ؟ ليه اللي يخالفنا غلطنا عليه
واختلاف المذاهب رحمه
لا ووصلت فينا حتى هينا اهل المنطقه هذي كذا واهل هذي المنطقه كذا
طبعا اصول الدين مافيها مجال للنقاش انما اقصد الفروع المختلف فيها
ولا راح اجيب امثله عشان لايقولون بعض البنات فتحتي باب
وانتم وش رايكم؟