نظومه
امس رحت اتاكد يلبن قبل الملحم متاكده دققي زين بمخرج 9
والدرابزين الي عاجبني ب1300 للمتر رووعه ستيل فقط
لاكن قلت ادور يمكن الاقي احد يفصل الي على كيفي ومثل الصورة الى عندي !!!!

سفورة
تعالى ترا المطبخ مئجلته الين اختار المطبخ وعليه اختار الالوان لاني لقيت عند فينوس اسباني وعليه ديكور مثل الصورة تماماّ
كانها مطبوعه طباعه كوفي وملاعق وشغلات للمطابخ اعجبني لاكن لما اختار المطبخ اقرر

ام معاذ
مبرووووووك الف مبرووك واختيارك حلو وذوق ياعسل شفته النقش هاذا

وياربي بجد مرحله احسها حاسمه لانها ماتقدرين تغيرين مثل
الصبغ تقدرين تتدهنين فوقه ومثل الاثاث تغيرينه او ترجعينه لا هاااااااااااااذا مافييه مجال خلاااااص لزق لزق هههههههههههههه

السلام عليكم

امورة

نسيت ارد عليك على البلاط هو حلو بس مشكلته المقاس مره صغير لو فيه اكبر أحلى .............خصوصاً إذا الحوش عندك كبير ممكن تحطي الصغير في منطقة معينه مثلاً مكان جلسة حولين المسبح او منطقة الباربكيو ........

سفاين

انا زيك احب الرمادي والأصفر مررره نايس ...........ودام الولد هو الي إختاره خلاص


لبوووووووووووسه

انا بعد ماجله بلاط المطبخ لين اختار المطبخ وشفت البلاط الي تقولي عليه شكل ذوقيك زي ذوقي أنا بعد حاطه بالي عليه بس اي لون اعجبك .................والله صادقة إختيار البلاط تأبيده

البنات الي فصلوا مطبخ قريب ياليت تقولون لنا عن القياسات بين الدواليب العاوية والسفلية وبعد إرتفاع الدواليب العلوية والسفلية .............انا اعرف إن فيه قياسات ستاندرد .........بس ما أدري عن المحلات الي عندنا

سفورة
كيفك.........
اسمعي فييه قاعده متبعه ولله اعلم عند اصحاب معارض المطابخ واهي
70<--------------للخزاين العلويه
60 <--------------مابين الخزاين
90<---------------للخزاين السفليه
ولو تلفين وتسئلين بتلاقين الاغلبيه اجمعو على ها الارقام
ومن زماان حافظه 70_60_90 هههههههههههههه للمطابخ
الافي حال بغيتيها عاليه مثل التصاميم الاوربيه او المودرن الايطاليه للسقف
موفقه باذن لله

وبالنسبه للبلاط اعجبني البني مع صورة الكوفي وبعده الرمادي مع ازرق يمكن

مساء الخير
اول مره اشارك معاكم
حابه اسئل وين بالضبط محلات السيراميك والرخام اللي بطريق الخرج
لان امس فرينا طريق الخرج كله مالقينا شي
كلها مستودعات هياكل سيارات وما ادري ايش :(

وبرضو وش افضل انواع الرخام