وحده بتسجل :

هبوبه انتي سالتي عن البويه عاد تحملي اللي سالتيه وتحملي طول كلامي شوفي انا مثل ما قالت راسيل كل يوم لي رائي عاد مع البويه والله البنات يذكرون ويضحكون على كل يوم لي لون وش لون الا كل يوم الصبح اقول قررت على لون واذا جا في المغرب غيرت رائي وهذا حاالي مده خصوصا للدور الارضي لانه كله لونواحد ولا بغيت اتوهق في شئ موب زين ولغرف طبعا كل غرفه لون هذا سلمك الله وانا توني في الكتلوج والكروت والله انقلب راسي طبعا انا رحت لمحل جوتن مرتين او ثلاث اخذ كروت لكل لون ابغاه سواء للغرف او البيت يعني في البدايه وفي وقت الصنفره والمعجنه كنت اشوف وش بحط في الغرف عشان اخلصها كل غرف النوم او كل غرفه مفكره احطها لون ثاني وطبعا حتى يشمل هذا البحث ديكور الغرفه او شكل لبويه سواء مخطط او بالطول او بالعرض او لون ولون او ورق اي ان كان وطبعا عندي في البيت كتلوج واحدد على اساسه الرقمواخذ الكرت اصفى رحت مره لفرع جوتن واخذت الالوان اللي بحطها او الالوان اللي مفكره احطه وجبتها في البيت وقلبتها يمين وشمال ورحت مره ثاني شي اخذ افتح منه وشئ اخذ اغمق منه ومن ضمنها الدور الارضي بس بصراحه كنت مخليه الدور الارضي اخر شئ وجمعة كم لون قلت بخليهم يسوون يعينه يعني كنت مستسهله الموضوع اخف من الغرف وصار العكس جا عاد الجد وخلصو الصنفره ومعجون والابواب خلصنها والوانها والشبابيك تركبت هاااااه جا الجد عاد الغرف خلاص قرتها ولا يحتاج عينها الدور الارضي خليته مع الصاله اللي فوق لون واحد قررت على اظاهر 8 الوان اظاهر خخخخخخخ ورصوها لي على جدار المجلس ممستطيلات 50 ×80 انا في بالي خلاص بروح واقرر وارتاح انا رحت من هنا انقلب راسي من هنا واقول لا ابد هذي مو الالوان اللي مختارتها ابو الشباب يقول شوفي الرقم وشوفي الكرت نفس اللون انقلب راسي تغيرت الالوان مع الانور في النهار ولا مابعد جا كهرب وقتها رجعت البيت مثل مارحت ونفس السالفه ماقررت على شئ عاد تذكرنا واحنا مره رايحين لفرع جوتن ان اللي في المحل هندي على انه كافر بس كان منصح قال خذو كتلوج جوتن ليدي قلنا بس ما انبغى ليدي لان سعر البرميل قال انتم حددو الرقم احنا نركب اللون على بويه عاديه قلنا مو موجوده بالكتلوج قال لا هذي الوان تركيب موموجوده بالكتلوج احنا رجعنا البيت قلبنا كتلوج جوتن ليدي صغيير ماتتعدي 40 لون واقررنا على واحد وقلنا لهم يسوون عينه علىنفس الجدار مسكيييين ياما لونا فييه من الوان خخخخخخ ورحت وتغير اللون على الجدرا بس مفييه صدمه مثل قبل لا اخف بس ما فييه ارتياحيه للون متخوفه يعني قال ابو الشباب خلاص وبعدكم يوم يجيب اللون مصبوغ على بلاطه عشان نشوفه في النور واضاءة الكهرب والله تغيير وتوكلنا على الله وقالنا خلاص بس حطو عاد هم اول شئ صبغو جدار واحد كامل ورحنا وشفنا وطلع حلو ماعلييه نفس الي نبغااه وحطيناه وارتحنا عاد بعد ما صبغو البيت كله تشوفين اللون فيه كل جهه له درجه بحسبه سطوع الشمس عليه اول مره انصدمة على اني كنت شايفته صاير اشهههههب يروع بس سكت خلاص خلصنا البويه وجيته يوم ثاني قبل لمغرب بشوي وفرق اللون عاد جيته يوم ولع الكهرب والحمدالله طلع زين بس في النهايه تر الكرت مايفرق عن البويه الجدار الي يفرق النور الاضاءه سواء الشمس او الكهرب فانصحك روحي لمحلهم وخذي كل كرت لون يعجبك وقلبييه في البيت الى ان تستقري على لون والله يوفقك وخذي راحتك في الاختيار قصيت قصة حيااتي بس عاد ذكريات عقبال ماتكون ذكريات عندكم ان شا لله ويتتم لنا ولكم ونسكن على خيير بصحه وعافيه وسلام

هبوبه انتي سالتي عن البويه عاد تحملي اللي سالتيه وتحملي طول كلامي شوفي انا مثل ما قالت...