السلام عليكم واخيرا وصلت اخرصفحة كل مادخلت ديوانية اتعب ما اوصل للصفحة الاخيرة واخركل شئ تغلق والشهرعليكم مبارك والله يتقبل منا ومنكم صالح الاعمال الان ابدا قصة حياتي مع البناءالله يسمح امري وامركم وامركل مسلم ويسكنا ووالدينا قصورالجنةوالف شكرلكل من استفدت منه في هذا المتدى الغالي والمميز البيت عبارةعن فيلابها قبووحطيت كل حاجة انا احتاجهاالقبوصالةكبيرة للجتماع العائلي ومجلس شباب ومجلس نساءومستودع وصالةالعاب واوفيس نطلع فوق مجلس رجال كبيرمع مغاسل وحمام يطلع عالبوفية والبوفيةمفتوح عالصالة ومجلس النساءمفتوح كامل عالصالة ومقابله مجلس مغربي على اندلسي ومغاسل حريم مع دورةمياه وغرفة ضيوف وبعدين باب يطلع عالمطبخ وبداخل المطبخ قسم طبيخ للفرن والفريزرفقط وجنبه درج خدمةللخدم من القبوالى السطح

نتابع من الدرج الخدمة للدورالاول الجناح الرئيسي غرفة نوم مع شرفة صغيرة وحمام وغرفة ملابس وموزع صغير2غرفة بحمام احمربابيض باسودورودلبنتي 3جناح غرفتين بحمام 4غرفةبحمام5غرفةبحمامومافيه صالات فقط ممرات طبعا القبوله 3مداخل للرجال والنساءوالمطبخ وبالنسبة للحمامات بدون شبابيك غفط مراوح تهوية والصالة بها فتحة تطل عالقبويمكن بعدين احط فيها مصعدواي استشارة انا حاضرة

البيت حطيته كله برسلان لون اوف وايت ق ليزر من محل بطريق الامام وعندالملحم نفسه والرج حطيته رخام امبرادورلون بني على زيتي والقائم اوف وايت واخذنا البلاط اكثره من المنزل للسيراميك واتوقع الدورالعلوي احطه كله باركية والاحواش بلاط من ارتك ابيض باخضروعملت له احزمة

يالله بحفظ الله كثرت الكلام عليكم بس حبيت انفعكم زي ماانا استفدت منكم وخيرالناس انفعهم للناس

هلا خيتو امرآة مسلمة
صراحة فكرتك اول ما شفت اسمك انك وجدة من هالغثيثات
اللي يدخلو المنتدى ويكتبوا عنوان بلبس الثوب الابيض وما ادري شنهو تدخلي الا صورة قبر ,ولا ادخلو شوفو صورة بيتي الجديد ,الا نفس الشي واحد مكفن وملحد
يظنون هذي طريقة للوعظ ,والله لو حدة حامل تسقط من كثر ماتروع هالصور,وبعدين كل سي بمكانه حلو ,وكايدخلو هالمنتدى الا اللي محتاجين شي منا ولامنا لبيوتهم
المهم بس هذرت عليش سوري,بيتك من الوصف مبين اشحلوه الله يتمم لك ولنا على خير ونسكن ونفتك

سجى اسفة ما انتبهت لسؤالك ,احنا حماماتنا من نجم باحسين ومن انوريكا هذا بس اللي حطيت صورته واثنينهم سوو تصميم عبارة عن توزيع للبلاطات والاحزمة عطيناهم المبلط وسواها زي ماهي بالصور وبس.