نسيت الثالثة فتحة القبوالمطلة عالصالة كنت حابة اسمع اصوات اللي فوق والنداءوالاجراس وعيالي وبنفس الوقت بعدين ابحط فيها الاصنصيريخدم من البدروم الى غرف النوم واللحين بحلت فيه عشان ابغى احط للمطل ديكورحلو لاني احس اني انسانةاموت بشئ اسمه ديكور وشكلي ازعجتكم بالسوالف

اختي امراة هذي صورة قديمة لدرجنا الحين هذا كله مشطب الارضية رخام والصبغ سادة من جوتن والدرج رخام روزا لون واحد القايم والنايم,علشان كذا قلت لك شريت كنب لانها بتكون منطقة المعيشة وعلشان لو ما قدرت اثث قبل السكن يكون عندنا شي نجلس عليه لاني ما راح ادخل شي من بيتي القديم .

حبيبتي امراة مسلمة انا اخطاء بيتي قليلة وحتى لو فيه اخطاء مع المدة وقرب الاكتمال تحلى ,شوفي انا حمام غرفة الاولاد ,اول ما تركب ما طقته بعيشة الله, واذا رحت البيت ما اطل فيه,اللي قهرني منه انه اغلى بلاط بلاطه اغلى من جمامات المجالس ومن حمامي وما عجبني يوم تركب .وكحلها المبلط ركب الارضية شطرنج وانا ما اشتههيها,بس الحين يوم قرب يكمل تروب وتركبت الاطقم حلى بعيني الحين هم يركبوا الاطقم والخلاطات ونفسي يخلصوا بسرعة علشان اغسلهم اشوف اشلون يطلعون

وبعد اتحسفت على بلاط الحوش دورت لون ونوعية معينه مالقيتها وطبعا ابو الشباب عجلني واخذت اللون البرتقالي من الخزف هو لونه حلو وعاجبني مع لون الواجهه ولون الحشيش بيطلع حلو بس قاهرني انه سيراميك مو قرانيت اللي هو البورسلان
وخايفة مع الزمن يتبهدل ويتثلم مع ان كلن يمدحه بس ما ادري ,المهم قلت اذا انعدم بغيره

في مثل يقال فيه(الاتقان عدو الجودة)معناها انك اذا دققتي واجد مبالغتك هي اللي بتعفس الدنيا.وهذا اللي صار لي بهالشيين

وفي اخطاء بسيطة لاتذكر

والحمد قربنا نخلص,توي اقول لعيالي بس تتركب ابواب الخشب ويشتغل الكهرب وتتركب خانة مطبخ الخدمة بنسكن,وبتنامون على الارض وبنفرش على الراحة لاني لفيت محلات الاثاث وعارفة وين بروح فلما اسكن بقدر احدد احتياجاتي بشكل افضل

وعقبال الجميع

السلام عليكم
كيفكم بنات عساكم بخير
الله يعين والله العمار وجع راس والله يعينكم مثل ما قلت لكم انا من المخضرمين واتخرجو ناس كثيره وانا الحمد الله تخرجت بس باقي لي بعض المتعلقات الي تقهر مع هالصباغين
امراءه مسلمه الصوره الي شفتها تخيلتها في زجاج مرسوم ملون وفيه اضاءات داخله
سافين صحيح انا رحت شارع الاماره كل الاضاءات شكلها واحد انا بصراحه ما عورت راسي زوجي الي اخذهم وبصراحه مافيهم شيء مميز ***** الله البنات يفيدونك
بالنسبه للاغلاط احنا بيتنا ابو الاخطاء كلها الحمد الله على كل حال طبعا البنات في الديوانيه يعرفون كيف عنينا مع المقاول الزفت امس يا بنات رحت البيت وجالسه اكنس الارضيه الصاله السيراميك حقها كله حوسه وحده فوق وحده تحت البيت كله اوكيه ماشي حاله بس الصاله الوسطيه خراب حتى لما اطقي عليها فاضيه من داخل واترويبه مافيه والله شيء يعور القلب مدري كيف نصلح هالغلط والصندوق الكهربا ء طبعا مصبوغ والكهرابائي ما عرف يفتحه فك البراغي كلها وخرب الصبغ داير ما داره واخترب والصباغ مو راضي يجي يصلحه
الجبس غرف الاولاد صبغ مره مو مرتب وكل مره الصباغ يعمل شكل ابيغ من الثاني اخر شيء قلت لزوجي خلاص خليه ابيض ما ابي الوان قال خلاص خليه بعدين انا بغيره كله ولا رضى يغيره والحين من ادخل ارفع راسي اشوف اشغل الزفت والاوان البايخه انقهر
بالنسبه للخزان ارضي قلنا علشان الماي يصير بارد والله نفس الشي حاااااااااااااااار ولا فيه شيء متغير
يقولون احسن شيء اتركين المكيف للخزان احسن انا شفت الجهاز مو كبير
فتحات المكيف المقاول حسبي الله عليه ما رضى يفتح لنا الفتحات من اول قال مو لازم ولما جاو يركبون المكيفات طلع شكلهم بايخ من بره وتعبو الي ركبو المكيفات وهم يكسرون في الجدار
حمام الاطفال ركبتو الوان برتقالي واخضر وبيج انا الي اصريت على هدي الالوان اخدته من فيولا ايطالي وغااااااااااالي انا ترتيبي للالوان مو زين لو قللت البرتقالي ولاخضر وخليتها مجرد اعمده بسيطه والبيج اكثر صار احلى بس لان حمامي في البيت القديم ابيض فكنت شبعانه من الاوان الفاتحه
غرف النوم الوانها كلها غامقه وتندمت بصراحه مع انه زوجي يقول هذا كله بعيده بعدين الاوان كلها مو عاجبتني
لكن في النهايه اذا رحت بيتنا انبسط واستانس واقول الحمد الله رغم انه بيتي بسيط ودور ورغم الاخضاء الي فيه اقول الحمد الله ربي العالمين نعمه من ربي و***** الله كل شيء يصلح والله يعطي كل الي ما عنده ويرحمهم من الايجار وتعب القلب

اشكركل من ردت علي بنات بيتنى دور واحد وملحق احسه بسيط ومافي اي لمسه جماليه طبعا هدا احساسي بس المهم عندي غرفة الطعام مطله على المطبخ والصاله اني اقول لزوجي انه نرفع غرفة الطعام والمطبخ بس البعض يقول انها اتحد من مساحة المكان واني محتاره اخليها لوارفعها ويش رايكم بنات

اخت سفاين في احد الردود كان الكلام حول الالمنيوم ودكرتي محل اسمه الصليل اداماني مشتبها ...ادا ماعليش امر وين يكون محله ......مشكوره مسبقا.