امراة حديدية
اهلين ابرد عليك عشان شكل العالم نامت
شوفي حبيبتي اذا كان الدرج مقسوم من جهتين يعني واحد يمين والثاني يسار اعتقد مافيه مشكلة شيلي واحدوخلي الثاني اما اذا كان اول الدرج بوسط الصالة بعدين يتفرع لاثنين هذه يبغى لها مهندس فاهم
وياليتك تشوفين فكرة تطلعين منها درج خدمة للخدامات وابوكم وعيالك اذا عندك ضيوف بالصالة يطلعون معاه ماحديشوفهم

لبوسه

وسفوره

حبيبات قلبي والله وحشتوني مره

شخباركم مع العيد ان شاء الله انبسطتوا

والبنسبه للعمال زوجي يرجع من الدوام الساعه سبعه الصبح ويقعد معهم

الا بعد صلاة الظهر وينام

بس والله يمدح شغلهم ويقول ان التاسيس تخيلوا طلع فيه اغلاط كثيره

وماسسين لكل حمام الله يكرمكم افرنجي وعربي

وحايسين الدنيا حسبي الله عليهم

والحين عرفت انهم ماجوا في رمضان كان خيره لنا سبحان الله

السلام عليكن

شحالكن بنات عساكن بخير وكل عام وانتن بخير

وعيدكن مبارك ونسأل الله ان يتقبل منا ومنكم صيامنا وسائر اعمالنا يااارب العالمين

وحشتوني وااايد بس اعذروني تدرون رمضان ودوام واستغفر الله مول ماشي وقت
الوقت يركض موليه ماشي بركه بالوقت الله يعينا ..

شو اموركن ان شاءالله طيبة

بقولكن عن اخباري الي تقهر ويا هالبيت صارلي مارحت بيتنا من قبل رمضان

ركبوا القبه التعيسة والله يابنات مقهووووووووووورة ماطلعت مثل ماتخيلتها
حتى والله صحت واضاربت وياعمي تم يغايضني وينرفزني

استغفر الله كل ما اختار شي يطلع مب حلو ومب مثل الي ابغيه
مب كفاية اني اراكض واحرق اعصابي واضيع وقتي واخر شي مول مايعجبهم

والله الي مصبرني امي وابوي حليلهم

انا وعدت البنات قبل اني احطي صور صبغ البيت من برع والقبه ان شاءالله بحاول انزلهم
عشان تشوفون

الحمدلله ع كل حال

ادعولي بنات حتى ماقمت احب اسير اشوف البيت من كثر ما انا مقهورة

صباح الخير
كيفكم يابنات والله انا من زماااان اتمنى يجي اليوم اللي اشارك معاكم بالديوانيه
والحمدلله اشترينا ارض وبدينا ماشاءالله نعمل المخطط
يعني تونا فالبدايه الله يعين
حبيت اعرف رايكم بمخطط الدور الاول
واذا عجبكم بنزل مخطط الدور الثاني
ابفى ارائكم بالمخطط
مع العلم اني غيرت ترتيب المطبخ وغرفة الشغاله وخليته مطبخ مفتوح ع الصاله ومطبخ تحضيري وغرفة للشغاله
وجاري التعديل في بقية المخطط
هيا ابغى رايكم بصراحه مابغى اندم تعرفون بعد البني صعب التعديل
http://shup.com/Shup/360862/08062010203.jpg
اذا الصوره ماهي واضحه ارجع احملها ثاني

لا اله الا انت سبحانك اني كنت من الضالمين
استغفر الله العظيم واتوب اليه

صباح الخير

سلومة

انا من الامارات ..........

سلومة .....انتي اللي سويتي مكان للوضوء في حمام الرجال ولا ؟


شروته .......

اللع يعينكم هونيها وتهون ..........