السلام عليكم

امووووووووووووون

الف مبروك المشتريات وتستخدمونها بالعافيه ..............وياني إنتظر اللحظه الي بتخلص فيها من أغراض بيتي بفارغ الصبر ...........والله إني اكره هالبيت

امورة

وينك مو بالعادة

قلومة

يسلموا على الصور هذي مره رايقه




*بنات سوال :

الحين عادي أخذ نفس السيراميك لحمامين بس اللون يختلف ؟

سفريات انا افضل تغيرين
لانه يعطي فخامه اكثر
او اذا انها
لغرف النوم
غيري الالوان

مين بالخبر تبني
لانه ابغى استشيرها بالمحلات
او حتى بالرياض
ويكون لهم فروع بالخبر والدمام

لانه خلصنا تقريبا العظم
وابغى اشوف السيراميك والديكورات
اخذ فكره منهم
مع انه زوجي يروح لبيوت اصحابه ويأخذ بعد افكار
فقلت اخذ منكم

ابغى هدوء والله ان شكلش خفيف دم ومبروك ماجاك ويتربى بعزك

اميرة الكشخة مساحة البنيان 350 والارض 750 وبلاطنا احجام مختلفة بس اغلبه كبار والصالات والمجالس رخام ركبه البلاط وركبت موزاييك هذا اللي جنن المبلط وظليت على راسه عقدته كلمن سوى شي قلت له مو عدل بس والله رقابتي فادة فيه صار يخاف ويدقق وطلع الحمد لله زين يعني غيرت ترويبة كذا حمام وبعض البلاطات كان تركيبها مو عدل خليته شالها وركبها مرة ثانية والمطبخ للحين ما اتصل علشان التصميم الله يستربس عاد انا نفسي فيه


سفريات بالعكس لما تحطي حمامين نفس الشي والاختلاف بالالوان يعطي فخامة ذكرتيني بحمامات الاولاد ابيتي اخذت للاولاد بلاط اشغليه ومارضيت اخذ للبنات ورحت انوريكا واخذت بلاط للبنات فرق 2000 ريال عن حمام الاولاد واحلى منه وتحسفت عنده نفس البنات يناسب الاولاد يجنن مت قهر


قلومة الصور حلوة خصوصا المطابخ الله يستر من مطبخي .

السلام عليكم

مرحبا خواتي المعماريات ؛؛ >>يعجبكم اللقب الجديد..

انا جديده معكم لكن متابعه لكم ومستفيده من ملاحظاتكم وافكاركم ..

الحمدلله خلصنا البيت عظم واللحين السباك يشتغل بالبيت ونبي نبدأ اللياسه
بعد اسبوعين تقريبا ..

طبعا البيت ماتدخلت بأي شي كله افكار زوجي .. مايأخذ من اي رأي ..

لكن عرضت عليه افكار اتمنى يكون بيتي اقل شي فيه شي من لمساتي..

ودي افرح ببيت العمر على مايقولون ..

وعرضت عليه بعض الصور قبل مانبدأنبني وقال هذي بمرحلة اللياسه تسوى ..
واللحين رجعت اقول له قال هذي خلاص مافيه مجال تتسوى المفروض قلتي لي وقت البناء

آخ منه دايم مقفل مخه .. يتظاهر انه يسمعني.. المهم السؤال التجاويف الديكوريه .. او الرفوف اللي هي ماأدري وش اسمه بالضبط مثل الصور المرفقه ...
هل تعمل وقت البناء او وقت اللياسه .. اتمنى القى اجابه تفرحني .. لأني اتذكر قريت موضوع لوحده يرممون بيتهم وحاطه مثل هالتجاويف .. بس ماحصلت الموضوع عشان اوريه لزوجي ..

معليش طولت الكلام ..
انتظر تعاونكم ..