ألمى الفهد :

أمي قلبي شكلك ظاربه فيوزك مع الاختبارات ،، وينك ياشيخه كتبت لك رد أمس ولارديتي اشتقت لك طمنيني عنك وعن عمارتكم واولادك مع الاختبارات الله يوفقهم ياارب فن وذوق حلو اسمك ماشاء الله ،، وحياك الله حبيبتي القصيم وأهلها ترحب بكم شوفي أجل روحي بريده الأحياء الجديده بالشمال مثل النهضه والبقيشيه والسبيعيه والريان والأسكان الجديد وسلطانه هذي أبرز الاحياء الجديده وبتلقين فيها مبتغاك بإذن الله ،، خوذي لك كذا لفه بالنهار وادخلي البيوت اللي تعمر وماراح تندمين ان شاء الله ، كذلك عنيزه شمالها بيوت جديده وتصاميم روووووعه بالتوفيق يارب أتمنى أكون أفدتك

أمي قلبي شكلك ظاربه فيوزك مع الاختبارات ،، وينك ياشيخه كتبت لك رد أمس ولارديتي اشتقت لك طمنيني...

&الماس& :

بنات فيه وحده والله مااذكر اسمها تقول انها بتحط بدروم عشان الشغاله والغسيل حبيت اعطيها واعطي اللي توهم بالمخطط فكره طبقتها ببيتي وهي اني اقتطعت بمستودع المطبخ مسافة 2×2 وفصلنا عند حداد درج دائري حلزوني (زي اللي يحطوه الشقق والمستشفيات بمخرج الطوارئ في حالات الحريق) طبعا تكون غرفة الغسيل والكوي بالدور الثاني فوق المطبخ ويطلع الدرج من المستودع الى غرفة وتكون هذي الغرفه للشغاله وللكوي وفيها حمام للغسيل والشغاله ويكون فيها باب يدخل على الدور الثاني في حاله عدم وجود شغاله افتح الباب عشان يكون الغسيل والكوي عندي بالدور الثاني احسن من الطلعه والنزله للبدروم او لغرفة الغسيل اللي تحت واذا كان عندي شغاله تكون بين المطبخ وغرفتها والسطح لان الدرج يوصل لين السطح وبذلك تخلصنا من الدرج الثاني اللي يوصل للسطح ياخذ مسافه من الدور الثاني وحنا متى نطلع للسطح لان عندنا حوش كبير.... اتمنى اكون افدت احد بفكرتي.

بنات فيه وحده والله مااذكر اسمها تقول انها بتحط بدروم عشان الشغاله والغسيل حبيت اعطيها واعطي اللي...