امارتيه لازم بعد الولاده اتغيرين اللوك واتغيرين بعد ديكور الغرفه والفرش لان هذا شي امجرب وحتى بعلم النفس معروف وغيري الالوان حطي الوان فرش مختلفه

قصي شعرج او صبغيه او صبغي اظافرج بطريقه غير يعني مثل الموضه اللي عليه زري او ترتر او حطي برجلج حيول واصابع رجلج خواتم طبعا بالبيت مو بره لا يضحكون عليج الناس ونصيحه الغي شي اسمه بجامه من قاموسج يعني بالبيت لبسي لبس البنات اللي يطلعون بالتلفزيون على انه يكون مريح برمودا او هالبديات اللي عليها فصوص او شورتات او لا يغرج لما يعيب عليج قوليله انا اكشخ حق نفسي عشان نفسيتي تتجدد لانهم يعيبون ويحبطونج وتلقين اذا قصرتي لاموج

نصيحه بعد يا بنات اذا لقيتي زوجج امعصب او امنرفز عليج حطي عطر قوي اهو يحبه راح تلقينه فجأه هدا وتغير مزاجه

او عاد ادعولي الله يهدي اللي عندي ويبطل روحة لبنان مع هالربع اللي كل واحد امربي اللحيه ويتزنجح بلبنان الله يعين حريمهم ويعيني

اختي رواند مشكوره على النصايح بس انا ريلي وايد زين وشوية عليه هالكلمه

انا بعد امارتيه ريلي وايد زين والحمد لله بس فجأه استجدت عليه سالفة لبنان يقول بغير كل الريايل يسافرون مع بعض وانا يقولون لي زوجتك ماسكتك شفتي الريايل اتخرب بعض وانا ما اشك فيه لكن الوضع غاثني وجديد علي صارلي 6 سنين متزوجه والحين بادي يسمع حق ربعه

وينكم بنات وين رحتو

انا متزوجه الحين من سنه ونص بس ما كد سافرنا وان شاء الله اذا سرنا مع بعض لانه ريلي ما عنده اصلا ربع وهذا احسن شي