السلام عليكم

مبارك عليكم الشهر جعلكم الله ممن صامه وقامه حق صيامه وقيامه

كل وحده تذكر برنامجها اليومي في رمضان وش رايكم؟

وتقول لنا مين الي يطبخ .

صباح الخير بنات اشلونكم شاخبار ثاني يوم رمضان
انا امس ماشاء الله سويت ابنصيحة وحده قالتلي اخذي بندول مع السحور عشان ما ايعورك راسك وفعلا سبحان الله لين الفطور وانا شحليلي اليوم نسيت اخذ الله يستر
قولولنا اشسويتو امس حق الفطور احنا اول يوم لازم انتغدى عند اهلي مسكينه امي الله يطول بعمرها من كثر ما اشتطت اخواني يقولون لها يمه حسبالج موائد تفطير صيام الله ياجرها ويعطيها الصحه يارب

وينكم بنات ما قمتو من النوم والا ماكو دوام اليوم ولهت عليكم

هلا راوند والله تصدقين وحدة معانا بالدوام تحط بعد بالسحور بندول مع لشاي تقول زين

والله امس ما قدرت سويت تبولة وشوربة وقدرة قادر ونمت شوي

بس اليوم ما راح اسوي شي تعبانه وعندي دوام بعد الفطور واليوم اخر يوم لي بالدوام وراح اخذ اجازة شهر الين بعد العيد ان شاء الله

فطوري من عند امي الله يحفظها ويخليها

اما الزيارات العائلية ما اروح الا بيت جدتي لان ولدي عبث والناس يتضايقون اذا اوديه ويسوي شطانه

فاقعد مكاني احسن

ام حبيبي شنو يعني قدرة قادر ما اعرفه بعدين انا كنت مثلك ثقيله بالطلعه بسبب اليهال بس بعدين اكتشفت ان الناس كلها شرهانه على اني ما اييها ووجبها ولم اقول انا عندي يهال يقونلي كل الناس عندها بس انتي فقمت اروح غصب لان الناس صراحه ما ترحم
زين سويتي خذيتي اجازه انا ما عندي رصيد يكفي والا كان خذيت مع ان دوامنا برمضان وايد مريح بس انا قاعده على اعصابي ماادري متى ابيمدي اسوي كم طبق