صباح الخير يا بنات ومبروك عليكم الشهر ..!! متاخره ادري بس والله مشغوله على الاخر واليوم فضيت ..!! طمنوني عليكم وكيف رمضان وياكم انا ميته من اليوع استغفر الله ما اتسحر ولاني ارضع ايوع بسرعه بعد ... شو بتسوون اليوم على الفطور انا امس سويت سمج..!! وشوربة عدس وسلطه وبيتزا اقراص.. وقطايف ورييلي يقولي بس ..!! يقول انا احب المائده عامره في رمضان وانا ما احب اسوي وايد لانه حرام احنا اثنين وبنتي ام تسع شهور منو بياكل كل هذا... واليوم قالي يبا فته دياي ..!! وفاصوليا ..!! وبسوي معاها سلطه روب بالخيار وسلطه طحينيه..!!

اماراتيه علينا او عليج ، سوي حلو الحلو يترس العين ويريح البال برمضان سبحان الله ، انا الوجبه الرئيسيه توصلنا من امي الله يطول بعمرها بس انا امس سويت سلطة سيزر اطلعت اتينن وسويت سلطة ناتشز او سويت معكرونه اربياتا يمي يمي وبالنسبة حق الحلو كل ماتميت سويت حلو قهوة وحطيته بالصاله على طول في صحون التقديم سبحان الله احد يطب علينا الا انظيفه ومنها بعد حق عقب الفطور مع القهوه حاطتلي ملف اسحب من النت واطبق واللي يطلع حلو اعتمده

هلا رواند انزين فديتج اكتبيلي كم وصفه حلى قهوه

اوكي سوري اني تاخرت عليج كنت غايصه بالاطباق اللذيذه

اول واحد وايد سهل او ما يحتاج لا طبخ ولا نفخ او سهل اتعلمينه الخدامه كوب شوفان -كوب حليب باودر -كوب جوزهند نص علبه او اقل اشوي حليب محلى ومركز تخلطينهم واتكورينهم كور صغار واتزينينهم من بره بجوز الهند بعد تقدرين مع الوقت اتحشينهم ابككاو حباته امدوره او بندق بعدين حطيه بالثالاجه ثلث ساعه او قدميه بالعافيه بس عاد اتدعيلي مو تنسيني رمضان كريم

صباح الخير اختي روند
كاني ييت حتى قبل الدوامات بس ديوانية الكويتيات أجوفها طاخه مهي مثل قبل
المهم حبيت أسلم واقول حق بنات ديرتي امبارك عليكم الشهو وكل عام ونتو بخير