الطريقه نحط الدقيق بوعاء العجن ونذوب الملح الخشن بما العجن ونبدا نضيف على الدقيق ونعجن لين تصير عندنا عجينه متماسكه قاسيه شوي وهنا الصوره
نتركها ترتاح حوالي ساعه ثم نكورها وحطي على كل كوره شوي زيت عشان الخبز نحط كور عدد الخبز الي نبي ثم نرفع باقي العجينه بالثلاجه وتقدرين تستخدمينها اي وقت تطلعينها وتكورين وتسوين اي يوم وهذا احلى شي فيها لانها بدون خميره
خلي الكور ترتاح شوي ولعي على الصاج لين يحتمي ثم خذي الكوره بيدك وابدي اخبزيها بين ايديك مو فرد على طاوله بالاول تكون صغيره
ثم تبدا تكبر لين تصير بحجم الصاج مع الخبز الحين حطيها على الصاج وانتبهي لانه حار طبعا
وبس تلا حضين انها نشفت وبدت تستوي من تحت اقلبيها راح احط صور استنوني شوي
قلبيها على الصاج شوي ثم شيليها وحطيها بحافضه على جمب لين تخلصين كل الخبز
والحين قدميها مع اي نوع ايدام تحبين او اطويها سندوتشات تنفع لاي شي وبالهنا والشفا واتمنى تعجبكم