دبل-اش :

يامرحبا بالكــل يالغاليه بالنسبه للذرابه هي صفه جميل ان تتحلى به البنت وحتى الشاب . ماشاء الله نشوف بنات متربيات وعاقلات لكن يفتقرن للذرابه .. ولحد يقول وش دخل ذي بذي او انهن كلهن نفس الشي .. الكل يعرف البنت الذربه .. هي اللى تعرف المطلوب بالاشاره بدون امــر .. يعني تفهم الشي وهو طااير . مثال اذا دخلت مجلس وجت حرمه كبيره تقوم تعطيه المركى او تحط ورا ظهره مخده بدون محد يقوله .. او تقرب للأم اللى معه صغيروون او الحرمه الكبيره المنديل حتى لو ماطلب منه .((انتبهوا لكلمه ماطُلب منه )) يعني بنات يسوون اللى قلت لكن بعد مايطلب منهن . واذا جلست على العشاء تبدي الموجودين قبل نفسه حتى لو كنتي ضيفه .. يعني تغرفين هذا وتقربين هذا ومن هالكلام .. يكون اغلبيه الكلمات طابع عليه الطابع الديني اللى نفتخر فيه ويريح القلب .. والاكثااااار من ثناء الشخص اللى يخدمتس ..حتى لو كان صغيرر .. فهذا اللى تعلمناه من رسولنا الحبيب بأبي وامي .. ولاننسي الكلمات اللى له وقع طيب على النفس .. وطبعا قبل كل شي لين الجانب والابتسامه والتسامح والسمت .والتواضع , ولو ابتكلم من اليوم لبكرا ماراح اوفــي شي من مقومات الذرابه .. وموفقين ان شاء الله ..

يامرحبا بالكــل يالغاليه بالنسبه للذرابه هي صفه جميل ان تتحلى به البنت وحتى الشاب . ماشاء الله...