الذكرى المؤلمه تلاحقني

انا مب عارفه من وين اكتب بس بجد حاسه محتاجه افضفض لان اللي صار لي ما اتوقع ان يجي يوم انساه

انا صارلي سنين متزوجه والحمدلله عندي اولاد بس صار موقف للحين ملازمني ومب قاادره اتخلص من ذكرياته لما اتذكره اشعر اني انسانه غبيه ومثل الشخص البديل
كنت مجتمعه مع ام زوجي وهي مره كبيره فالسن يجوز انها ماوعت للي تقوله وكنا واخوات زوجي نتكلم عن خطبه اخوانهم جان تقولي ام زوجي ان الحمد لله ان كنتي من نصيبنا زوجش كان خاطره فاختش بس تزوجت وماصارت من نصيبه ووعرضناش عليه وفكر ووافق طبعا ما انسى نظرات الاستغراب من اخوات زوجي كانو منصدمين من كلام امهم وينغزون لها بالعين انا طبعا ظليت صامته ومصدومه وفاتحت زوجي بالموضوع وانصدم بس حاولت ما ابين له اني مصدومه عشان يصارحني باللي صار
صارحني انه كان يحبها بس ضروفه الماديه حالت بينه وبين زواجه منها
طبعا هالكلام منه المني ولا زال لليوم هذا رغم مرور سنوات طويله

لما اسال زوجي ان كان يحبها للحين ينكر

شلون اقدر انسى هالسالفه اللي كل ما اتذكرها اكره زوجي بشكل فضيع واتمنى لو تداركت الموقف وتطلقت من البدايه