الذهب ساعدوني 💔💔💔

ما شاء الله تبارك الله مبروك الزواج الله يسعدها ويوفقها، مو شرط تأخذ ذهب كثير على قد فلوسها ممكن في بيت زوجها تشتري اللي تحب أهم شيء البساطة والله الذهب الكثير واللبس الكثير ما يجلب السعادة، تشتري مطلي أو اكسسوار فضة أو طقم ناعم ذهب اللي يتيسر الآن أساساً الناس ماعاد يهتمون للذهب زي زمان البنات صاروا أنعم بكثييير لا تفكر في كلام الناس ولا رأيهم تأخذ اللي تبغاه على حسب فلوسها، وفستان العرس تقدر تلبس معه أطقم زركون أو اكسسوار أبيض يطلع جميل، ومبروك مره ثانيه 😍👏🌸

الله يبارك لها ويتمم لها على خير🤍🤲🏻 ومن وجهة نظري الأفضل تحاول قد ما تقدر تشتري ذهب أصلي ولو قطع عددها قليل وناعمة أفضل ما تضيع فلوسها بالمطلي والإكسسوارات ... ويكون لها ذهبها " زينة وخزينة" للزمن وكأنها استثمرتها في زينتها وانحفظت👍🏻 ...وبعد ما تتزوج ممكن كل فترة تروح سوق الذهب وتقدر تغير هالقطع وتبيع وتشتري غيرهم وتنوع مثل ما حبت ...

والله يوفقها ويجملها وييسر أمورها ويسهلها 🤍🤲🏻...

اوافق بنت صلاله بالرأي ..
لاتضيعين فلوسك ف مطلي ي قلبي لأنه مع الزمن شهر شهرين يتغير لونه ويبهت ويبان انه مطلي
شوري عليك خذي لك طقم نااااعم مره تلقينه ب ٢٥٠٠ او ٢٨٠٠ مايكلفك واجد وحلو للبس موب لازم طقم عريض وثقيل المهم عندك ذهب بس وهو لك وللايام بكرا ان شاء الله يرخص الذهب وتشرين ع حبه حبه لين يصير عندك خزينه زينه من الذهب واحفظيها عندك 🤍
والله يسعدك مقدما 🫶🏻