الذوق العام .. والادب والتزام الأخلاق هل بدت تتلاشا...

السلام عليكم ورحمة الله وبركااته


يدق الجوال ... كيفك يا ام محمد ...
ام محمد .. الحمدلله بخير .. انت كيفك يا ام سالم ..
ام سالم .. بخير ولله الحمد ... اليوم بنجيك انا وبناتي ونقهوي بنتكم وتحمد لها بسلامه ...
ام محمد حياك الله .. البيت بيتكم ...




ام محمد تستقبل ام سالم وبناتها ودخلهم غرفة الضيوف ..
اللي فيها بنتها الوالد ..
وبعد السلام والتحمد وفرش السفره وتقديم الضيافه
بنص الجلسه ... ام سالم .. اووووف ياووووه حرررررر مكيفكم حار مايبرد .. الله يعينكم ...
ام محمد وبنتها .. يبتسمون لان مافيه جواب !!؟
وتدور القهوه والحلويات بينهم ... ويعاد الكلام .. ياويلي والله ياهو مكيفكم هذا مايبرد !!!!!؟
ويردون بناتها معها ... اي والله جد حرررر الغرفه ... كيف انت يافلانه (( يقصدون البنت الوالد)) متحمله الحر انت وولدك
المكيف مررره مايبرد !!!!!!؟
وتبتسم ام محمد وبنتها كل العاده لانه لايوجد جواب !!!!!!!
تحسبون اول مسيار لام سالم لا لا ..
هذا قبله مساييرر .. بس هالمره بناتها معها .. وقبله نفس الكلام والتساؤل .. مكيفكم حار مكيفكم مايبرد اووووف يااااهو حر


كثييير مثل الحوارات اللي تصير من الحريم وبعض الرجال الله اعلم بس انا اشوفها عند الحريم ..
تسير ويقومو فيها الناس ويضيفوها على قدهم .. وتبدا ترمي من هالكلام اللي مافيه ذوووق ولا ادب ...
بعني وش تسوي لكم ام محمد تغير المكيف لعيونكم .. ولا ايش بالضبط .. هذا مكيف بيتهم وهم عايشين فيه ... لو بيدهم يغيرونه بيغيرونه ماله داعي التدخل في امور الناس والقافه هذي ...


وغيره الكثير ...


تولد ام نوره بمستشفى خاص .. اتفقت هي وزوجها وشي خاص فيهم ...
تجي التساؤلات 😓😅 ... ليه ولدتي مستشفى خاص والله الحكومي احسن .. كلفتي على الرجال .. وغالي هالمستشفى !!!؟ واضن فلوسكم ماهي واجد 💔😓


وش هالقافه اللي في العالم وش قلت الذوق هذي
دقي وسلمي وباركِ والحمدلله ...
سيرو على الناس وماعليكم الا من اخلاقهم وسولفو معهم مالكم دخل في بيتهم ليه كذا مالكم دخل في عيالهم ليه هم كذا مالكم دخل في اي شي يخصهم ...
ولا تجي البنت المسكينه كاشخه ومترتبه وتصب القهوه وتقدم لضيوف ويجيها هذاك السؤال الوقح .. ما انخطبتي الي الان 😫💔 ...
ولا ليه ماجبتم شغاله تساعدكم في التقديم والضيافه ؟!!!!
يعني وش يردون عليكم ماعندنا فلوس نقدم فيها على شغاله 😅💔 ...
ولا تجي وحده وتسير على فلانه وعلانه ... ثم تجلس بمجلس والله يا ان فلانه وسخه ماهي نظيفه وتقدميها لضيافه يفشل
طيب ياروح فلانه .. ليه ناشبه لضعيفه وتسيرين عليها وان ماعزمتك قومتي الدنيا ولا قعدتيها ...


ياعالم يا ناس ... شويت ذوق شويت ادب ...
لسيرتم على احد خليك اخلاق .. وخفيفة زياره .. سلمي وقومي بالواجب وسولفي بامور عامه .. ولا لك دخل
ليه مواعينهم قديمه ليه مكيفهم مايبرد ليه ماعندهم شغاله
ليه بنتهم ماتزوجت ليه بيتهم كذا .....


مالكم دخل في حياة الناس ... وبيوتهم .. وعيالهم ..
ربو .. عيالكم وبناتكم على الذوق واحترام الناس وعدم التدخل بخصوصياتهم .. علموهم كيف الضيف يكون ذوق وخفيف زياره مو ثقيل طينه ..

علمو خواتكم امهاتكم اذا هم يجهلون هالشي ..
ازواجكم بعد ...
طبعا الله يكون بعون اللي توجه لهم مثل هالأسئله اللي مالها جواب غير الابتسامه .. ابتسمي ومشيها وتحملي ثقل هالضيف 💔 .....