بصراااحه هدا الموضوع كان نفسي من زمان اكتب عنه لأنه تمر اوقات كتير عليّ وتمر عليّ فيها هدي المواقف
فكان نفسي اعرف هل بس انا اللي بأحس بهدا الشي ولا كل الناس مثلي ؟؟؟ وهل في ناس مرت بهدي المواقف
واستعجبت من اللي بيصير معاها ولا بالنسبه لهم عادي وماتفرق ؟؟؟؟؟؟؟
الموضوع ومافيه إنه مررة كنت في السوبر ماركت مع ولدي وحصل لي موقف كنا واقفين عند الكاشيير ( الحسااب))
وتقريباً كنا واقفين في طابور بس للأسف جات واحده ووقفت جنبنا وبقووة وفي يدها قوارير فيمتو وخلص اللي قبلنا
من حسابه وجينا نقدم عشان نحاسب الا الأخت قدمت وبقوووتين وحطت القوارير وقالت له حاسبني وفعلاً اخد منها
وحاسبها وبصراحه دمي فار لأنه ماقالت ولا بالكذب ممكن احاسب قبلكم عشان اشيائي قليل مثلاً ولا ممكن شويه ولا
اي كلمه الا ماعبرتنا بصراااحه شي غريب !!!!!!!!!!!!!!!!
ولا اللي زاد الطين بله لمن خرجنا في المواقف السيارات واقفه طبيعي في مواقفها وسياره وقفت في النص في الطريق
اللي المفروض تخرج منه السيارات عارفين كانه الشارع شارعه ولا اشتراه الصرااحه شي يقهر !!!!!!!!!!
الشي اللي يعصب انه الناس ماتدور غير على اللي يريحها ويفيدها واذا كان يأذي غيرها مافي مشكله عادي ماتفرق
معاهم لأنه اللي يهمهم في المقام الأول مصلحتهم ولو كان في أذيه للغير وهدا الشي اللي ماتعودنا عليه ولاتربينا عليه
من دين واخلاق ونظام واساسيااات في الحياااة ولا أيش رأيكم في الموضوع ,,,,,,,,,,,,,,
وطبعاً هدي المواقف شي بسيط من اللي بيحصل في حياتنا وأكيد كتير مننا عنده مواقف صارت معاه بس ماعرف ايش
يعمل وردة فعلكم مثل ردة فعلي ويمكن اكتر بس مااقول غير الله يهدي ماخلق ويصلح البشر ........
وسؤاااالي للجميييع مارأيكم في زي كده مواقف وكيف بتكون ردة فعلكم عليها وايش رأيكم في البشريه اللي زي كده
وهل صارت معاكم مواقف وماهي ؟؟؟؟؟؟؟؟؟؟؟؟
ولكم تحياااتي ......
وبصراحة هذي انانيه وقلة ذوق
وناس ماتفكر الا بنفسها
*
*
فريييز
تحيتي لك