عندي مجلس قديم موديله زي هذا بالضبط بس بدون الديكور اللي فوق الظهر
المهم ودي البسه واحطه بالمقلط لاني مااقدر اجيب جديد ماشاء الله المقلط كبير مره يمكن 8 *5
ورحت امس واخترت قماش يشبه اللي بالصوره
يعني مشجر ببني وفيه لون اخضر فاتح بدل التركواز اللي بالصوره واللون الاخضر مو مره فاقع شوي مطفي المهم ان فيه بني وتفاحي مدري عشبي والتشجيره احلى من هذابس يشبهه
ادري قديم القماش بس زوجي مارضي ناخذ من الغالي خصوصا انه مقلط للاكل وبس
واحترت وش اخذ موكيت ساده او لا
وكمان الستاير وش رايكم احطهم نفس درجة الاخضر
وبحط سجاد
عشان الاكل
فابغاكم تنسقون لي الالوان
وش رايكم اخذ معاه مخدات نفس درجة اللون الاخضر عشان تحليها والا ماتناسب مع هاذا الموديل
سؤال اخير هل ينفع اخذ لون ساده واخذ له مخدات ملونه والا ماينفع مع هذا الموديل
ياصباح الووووورد بما انك خذيتي الجلسه مشجر فالازم يكون الموكيت ساده
والستاره ساده والاطراف مشجر والسجاد مو لازم اذا جاك ضيوف حطي السجاد السفري حق الكشتات واذا شلتي الاكل شيليه كذا افضل