ايوه هوا ذا الي خايفه منه المساحه كبيره فكرت في المشجر بس الجدار عندي مشجرفخفت اني احط الجلسه مشجره ومايجي متناسق او يكون الحل غير هادي

الله يجزاك خير

انا قد جربت الكنب الاسود والاثاث الاسود .. كان جدا متعب وحساس كل شي يبين عليه .. لو مصره على الاسود كوني حذره في اختيار القماش .. ورق الجدار اصفر هادي .. ينفع معاه الكنب الرمادي .. العودي .. البني .. ﻻ اخفيك ان الاسود فخم ولكن متعب .. كمان ذكرتي ان فيه كرستالات اتوقع من اللي فهمته ان الكرستالات مغروسه بظهر الكنب .. وما انصح فيها اوﻻ ماتعطي فخامه كمان تعكس لون ابيض او فضي مايﻻئم ﻻ ورق الجدار وﻻ التيجان الذهبيه اللي ع الكنب وكمان غير مريحه لما تسندي ظهرك ع الكنب خليه ظهر مغروس من غير كرستالات .. انصحك بكنب متصل .. كمان انصحك الارضيه تخليها زي لون الجدار فاتحه عشان مايتكتم المكان .. الطاوﻻت والكماليات افضل تكون زجاج شفاف ومرايات وداخل فيها عروق الذهبي لو تحبي .. بحاول انزل صورتين وحده اعجبني فيها فخامة الاسود والذهبي .. والثانيه كان اختيارها للاسود والذهبي غير موفق للاسف .. فأنتي شوفي الفرق عشان تعرفي تختاري وتتخيلي المنظر كيف حيكون.. كثرت كﻻم بس ﻻن لونك حساس ﻻزم يكون اختياراتك موفقه .. وبس 😆