الذى عندها مراهق تدخل ارجوكم؟

اختي الحمد الله انكم مامديتوا يدكم علية ،،
لانه اول مرة يسوي شي غلط ،، لكن اذا تكرر ،، لكم العذر
والشباب بالهالعمر صعب تمدين يدك علية الا للضرورة القصوى ...
بعض الحالات ياوخيتي عن تجربة لاااااااااااازم بل واجب تقسين قلبك اذا تبغين مصلحه من تحبين ،،
اجرب طريق الللين واذا مانفع اجرب طريق القساوة
لان بكرة بقرارة نفسة راح يشكرني و يجي يقول شكرا لك لانك ردعتيني عن هالطريق
اولا خلكم يومين ثلاثه ايام وبعدين انتي كلمي ابوة ان مالازم تطول المده عشان الولد مايصير عنده زعلكم عادي ،،
تخلين احد من خالاته تتفقين معها وتقولين لها يكون بينك وبينها ،، انه فية خلاف صاير بيينكم انتي يالام والاب وبين الولد وان انتوا الان ماتكلمون الولد (( لاتقولين لها القصة كاملة بس قولي لها كذا )) وتبغينها تقول للولد يروح يعتذر ويحب فوق راس امة وابوه ويستسمح منهم ،،،،واذا سامحوة ...شرط مايعيدها ،، ولا يسوي شي يغضبهم علية .ما ادري بس لازم تكون هالشخص حكمة ويعتمد علية .(( اقصد من الخالات )) او هالنقطة الغيها اذا جا هو بنفسة واعتذر ....
طبعا بعدين اذا جاكم احتوووه وحضنوووه وبينوا له انكم خايفين عليه وانكم مستعدين تدفعون عمركم عشانه (( اختي لاتقولين تستحين من انك تحضنين ولدك او من ان تبينين لها حنانك وعطفك وخصوصا في هالمرحلة ))
اول مرة ممكن صعبة وممكن ثاني مرة لكن بعدين بتكون عادي،،
وتعرفين ليش صعبة ؟ لان احنا اللي خليناها صعبه ماعودنا نفسنا من هم اصغار الى ان يتزوجون ويجيبون عيال وهم كل ماحسوا بالضيق لقوا الحضن والصدر الدافي ،،
صدقيني حتى بعدين راح يفضفض لك اذا شاف حضنك مفتوح له ولمس منك الحنان ،، وممكن ترا هو يكون مثلك مستحي ،، لكن ذا بادرتي انتي امة راح يتشجع ،، ممكن يقول اني مو صغير
قولي له حتى لو تجيب عيال في عيني انت لسة صغير وبخاف عليك لحد ماتعجز .
ما ادري احس اني طلعت من الموضوع بس فعلا المراهقين يبغى لهم الحنان والرعاية والعطف ،، عشان مايدورونه برا البيت . واذا لقوة(( الحب والرعاية والأهتمام )) قبل مايسوون شي غلط راح يفكرون بمدى حب وعطف وحنان وتضحية الأم والأب في سبيل انهم يسعدوون .

وشي ثاني خلاني اطلع عن الموضوع تذكرت قصة قالها الدكتور ميسره (( طبيب نفسي )): ان مراة جات له العيادة وقصت قصة بنتها له وانها ماتعرف وشلون تتصرف .
قال لها : يا اختي تذكرين متى خذتي بنتك لحضنك وطبطبتي عليها ؟
يقول الدكتور ضربت على صدرها وقالت : واااي يادكتور بنتي عمرها 20 سنه اشلون اخذها لحضني .(( تقصد انها كبيرة ))
قال لها : كلنا نحتاج الى احضان لكي تحتوينا وتخفف عنا ،، لماذا لاتكوني انتي الحضن الدافي لابنتك ؟ لربما بمجرد ان تحس بدفئك وبدون ان تخبرك سوف ترتاح على الاقل نفسينا .
قالت : ماتعودت يادكتور
قال لها : من الان عاودي نفسك لاتستحي لانه لن يفيدك سوى خسارة ابنتك ومن تحبين .
هذا رايي اتمنى تستفيدين

ايه اختي
اناعندي اخوان بنفس السن
ولاواحد فيهم سوا هالشي
انتي حسسيه انه مهم
واحتويه بعطفك
بس لاتوقفين معاه بالغلط
الدخان والله بيخلي الناس يكرهونه
ومستحيل يلتف حوله الااصحاب السوء
وعيه وريه اشياء حول الدخان
علميه انه له اثارمستقبليه
قولي لماتكبروتجي تتزوج اولادك يصيرون متخلفين
اسنانك تطيح
والله الوعي اهم شي
وحسسيه انه رجال دائما حسسيه برجولته
دايم سوي انك تعتمدين عليه في اشياء حتى لوكانت سهله
قولي انت لانك رجال تقدر انا حرمه
دائما ذكريه بكلمة لانك رجال
والله لو تطور الحال ان يضيع من يدك
وعاد انتى ام وافهم مني بالتربيه
بس بجد اقولك
فيه بمثل سنهم مراكز وانشطه تقام بالمدارس
خليه يروح
ومع ناس كويسييين فيها كمان
خلى ابوه يحمله مسؤوليات موشرط تكون صعبه
بس يعني يحس برجولته
لاتضربونه مو زين
كمان اكثر شي علميه عن المخاطر ولو تهولينها فنظره
مخاطر هالبلاوي اللي يشربونها من دخان وغيره
قولي صار قصه كذا وكذا
وكمان اسمعي له
خليه يتكلم لك ويفضفض لك
والله يحفظه لك ويهديه

الله يساعدكم عليه ويسخر قلبه عليكم وقلبكم عليييييييييييييييييييه
بهالسن يكون الولد يحب يتطلع لكل شي بعدين احسن شي انكم ماعاملتوه بالضرب لانه يقسى قلبه عليكم مع مرور الوقت يبيله انكم تكسرون حاجز الرسميات بينكم وبينه وتحاولين انتي لانه يتقبل منك اكثر من ابوه انك تصارحينه بخوفك عليه لا تميزين غيره عنه لانه هذا اكثر شي يضايقهم وما نحس000 هاااااتوه بالمدح وانكم فخورين فيه ساعدوه لمن يتعدى هالمرحله000وشكرا

مايصير انتي وابوه عليه ..
كلميه انتي وخلي الزعل للأب .. لازم يلقى عندك الحنان .. يعني اذا ماكلمتوه بتنحل المشكلة؟؟؟

شوفوا مصدرها وسببها وحاولوا تعالجونه..
صيحي قدامه وقولي انت رجل البيت .. قوليها دايما .. قولي مالي بعد الله ثم ابوك غيرك انت وانت احسن عيالي وامدحيه دايم ..
عامليه كصديق واطلبي من ابوه ان يفعل ذلك..

اختي الغالية...

اذا كانت هذي اول مرة فعقابكم هذا يكفي..حاولي انه بعد مرحلة العقاب تتقربون له اكثر

وانا انصحك بان تتاكدون من الصحبه اللي يمشي معاها ..ترى هم ساس الخراب

والمراهق يتاثر باصدقاءه اكثر من تاثير الاسرة..لانه في هالمرحلة يصبر ولاءه للاصدقاء اكثر...

من خلال تجربة اشركيه بالنوادي الرياضيه ... لانه الرياضه تضيع وقته وتمتص نشاطه وتزيد حماسه ...بالاضافه الى اهميتها لجسمه في هالمرحله...وتعلمه الانضباط والاخلاق العالية

الله يستر على عيالنا...ويصلحهم لنا