هلا بنات لو عندك عزومة رز ولحم لا تفوتي هذي الوصفة الرهيبة مررررررره لذيذ كأنك تاكلي دجاج من ليونته ولا طعمه الذ من الحنيذ
اولا وهذي اهم خطوة
التتبيلة
كوب كاتشب
راس ثوم مفروم
كسبرة وبقدونس مفرومين تقريبا قبضة من كل واحد
ليمونة و3 ملاعق كبيرة خل
فلفل اسود ملعقتين كبار
كاري كثير مقدار 4 ملاعق كبار
كمون ملعقتين كبار
ملح حسب الذوق
5 مكعبات ماجي ذوبوهم في قليل جدا ماء واخلطوا التتبيلة جيدا
هذي التتبيلة اذا عندك عزيمة لأانها كثيرة
وحطوها علي اللحم واذا عندك فخذ اعملي فيه شقوق
وغلفيه بالقصدير وحطيه في الثلاجة
يفصل تتبل يوم كامل يعني تبليها من الليل او عالاقل 3 ساعات
خرجيها من الثلاجة قبل الطبخ بشوي وضعيها في صينية سميكة
وسخني الفرن ل350 درجة و لفي الصينية بالقصدير يفضل القصدير يكون سميك لفيها 3 مرات كمان الصينية يفضل تكون سميكة
ودخليه الفرن لمدة 3ساعات
خليه يطبخ ساعتين وبعد الساعتين افتحي القصدير من الطرف وحاولي ترشي اللحم بالمرق اللي في الصينية علشان ماينشف وغطيه وارجعي بعد نص ساعة عيدي الطريقة علشان ماينشف اللحم وتر ممكن ياخذ منك اقل من ثلاث ساعات يعني علي حسب الكمية واطبخي معاه اي رز تحبيه نسيت اصور اللحم قبل ما احطه علي الرز وازينه كنت مستعجلة يلا عاد عطوني رايكم لانه يهمني
علي فكرة مره لذيذ:)