ازيكم ياحبيباتي
يارب تكونو بخير جميعا
ده اول موضوع ليا ويارب يعجبكم
النهاردة عملتلكم كوكيز الذ من الا في المحلات وتحدي وسهل جدا وطعمه رائع مش هتبطلو تعملوه المهم مش هرغي كتير نخش ع المقادير
1 و2/3 كوب دقيق
3/4 كوب زبدة بدرجة حرارة الغرفة + 1 معلقة سمنة بلدي او نباتي
1/2 كوب سكر ابيض
1/2كوب سكر بني
1 معلقة فانيلا سايلة او بودر
1 بيضة كبيرة
1 معلقة صغيرة بيكنج بودر
1/2 معلقة صغيرة بكينج صودا ( كربونات الصوديوم)
1/4معلقة ملح
1 كوب شوكلت شيبس
1 و1/2 كوب جوز هند مبشور
ودي صورة للمقادير
الطريقة بقي ياقمرات
اولا قبل مبدا في حاجات مهمة لازم ناخد بالنا منها وهي
ان الذبدة تبقي طرية يعني في درجة حرارة الغرفة ومينفعش نسخنها ونقول هي طرية لا لازم تكون في درجة حرارة الغرفة
البيضة كمان نطلعها مع الذبدة قبلها بوقت وتكون في حرارة الغرفة مش من التلاجة مباشرة
لو معندكيش سكر بني مش هنقف يعني لا هنعير 1/2 كوب سكر ابيض ونحط عليهم 4
معالق كبار عسل اسود ونقلبه كويس لحد ميتجانسو سوا وبكده بقي عندنا سكر بني
لاي استعمالات
وطبعا المعاير كلها بكوب واحد
ودي كل تكات المهمة الا عاوزة اقولهالكم
نخش ع طريقة
اولا هنضرب السكر الابيض مع الزبدة لحد ميبقي قشطي وكريمي فاتح
وبعدين نحط السكر البني عليهم ونضربهم ضربا مبرحا لحد ميبنلهم صحاب
بعد كده نحط البيضة والفانيلا ونضربهم كويس
نخلط المواد الجافة كلها البيكنج بودر والصودا والملح والدقيق وجوز الهند ونقلبهم سواء ونحطهم ع الخليط السابق كده
واخير شوكلت شيبس ونشكله ونحطة في صينية فرن ع ورق زبدة او صينية تيفال وطبعا يكون الفرن متسخن قبلها ع الاقل بربع ساعة
وده لما طلع من فرن وطعمه رائع ومقرمش وشهي جدا جربوه وياريت تصورو تجاربكم وتشرفو موضوعي بيها
اسمع بقي دعوة حلوه وتقيمو متكسلوش ويارب موضوعي يعجبكم في امان الله
يعطيك الصحة ميتسي ميرسي