الرؤيا اللي كنت اشوفها في فترة استخدام خلطه الرومي!!

بسم الله الرحمن الرحيم

اللهم أني اسألك الخير كله عاجله وآجله اللهم انك قلت وقولك الحق ادعوني استجب لكم لا اله الا انت سبحانك اني كنت من الظالمين ولا حول ولا قوة الا بالله

وبعد

حوائيات انا لي فترة اغتسل بالسدر قبل اذان المغرب قبل كنت استخدم خلطه الشيخ عبدالله الخليفه الله يشفيه ويعافيه سمعت انه مريض اسأل الله ان يعجل بشفائه وهو القادر على ذلك

المهم اني جلست اسبوعين ونص على خلطه الشيخ وخلصت منها وبدأت في خلطه الرومي حقت العين والحسد والمس والحمدلله لي 14 يوم عليها والحمدلله على كل حال

شفت كذا رؤيا حلمت في واحد من جماعتنا هو سبق اتزوج وانفصل وقالوا الناس انه مسحور بس ما ادري عن صحه هالكلام لأني اللي اتذكره انه بعد ما انفصل عن زوجته قال انتم ما زوجتوني حرمه زوجتوني كلب مربوط في رقبته ربطه كلام غريب

حلمت ان هالولد ماسك في يده تولتين دهن عود واحده بيضاء والثانيه سوداء وجالس يقول انا اللي فيني سحر يتكلم عن نفسه وصحيت من النوم مستغربه ورحت على طول احكي لأمي الحلم اسأل الله العلي العظيم ان يشفيه ويشفي جميع مرضى المسلمين


وحلمت حلم ثاني برضوا بس الحلم ربي نسانيه نهائي بس فيه طاري السحر ولكن احداث الحلم راحت عن بالي مع اني صحيت وسط الحلم وقلت لازم افسرة بس رجعت انام ولما صحيت مرة ثانيه ما عاد ادري وش احداثه؟



مدري وش تفسير هاللي يصير من احلام فكرت اعلم اهل الولد باللي صار وخفت من المشاكل وشكل ولدهم من جد مسحور الله يعافيه ويشفيه













لا حول ولا قوة الا بالله














ودمتم