حاسه فيك
انا زوجي كان تعبان فتره والحين تعافي بس مو تماما

عاد قلت نبي نروح لجده لالفلوس نروح مكه نعتمر ونحمد ربنا ع الصحه ونتمشى بجده نغير جو عقب المشاكل والمرض

طلعوا لنا اهله يبون يجون معنا وخالتي تمشي وتعزم حتى الشغاله بياخذونها وروحه الرومنسيه صارت منسيه

وهو عادي عنده بيعطيه الراتبين كلها ؟؟!!!!!! ماشاء الله لاقوة الا بالله صراحة زوجك نااااادر الوجود

بس تدري قولي له اعط اخوك راتب والراتب الثاني خله لنا نستانس فيه احنا بعد لنا حق نفرح في المكافأة

شكلك طيببببببة مررررره ومسالمة ماشاء الله عليك

انا انصحك ياأختي ما تتدخلين في شي يتعلق بأهل الزوج لان ساعتها حيقلب عليك ودام انه يقدر اهلك الله يعينك تتحملين اهله بعد لان نفس الوالدين شينه لو زعلوا على ولدهم ويمكن تصيب عيالك بسوء ادعي ربكوهو بيفرجها وانا أختك ودام زوجك يعزك ويحترمك هذا هو سر السعادة بين الزوجين وأنا أقولك عن تجربه ياما ناس ازواجهم موفرين لهم كل شي لكنلايحترمها ولا يحترم أهلها ويشوف الحياة طلبات وماديات وخلاص

اسمعي مني هالنصيحه انا كنت مثلك انقهر لما زوجي يعطي اهله واذكر مره جت زياده قبل كذا قسم بالله ان زوجي عطاها امه كلها
وطلعتله ارض وبرضو عطاها امه وشرت فيها ذهب وانا كنت ميته قهر بس والله العظيم على كثر اخوانه محد بار في امه وابوه غيره هو
شايلهم فوق راسه حتى بعد مامرضوو والحين لهم سنه متوفين الله يرحمهم قسم بالله كل ماذكرهم دمعته تنزل على خده
حتى يوم طلعت هالراتبين تذكر امه وقال ياليتها موجوده وتاخذها كلها واشوف الفرحه بعيونها وترفع يدينها للسما وتدعيلي
والله حسيت باحساس غريب وتمنيت عيالي يبرون فيني مثل ابوهم وعرفت اني كنت انانيه لما كان يعطي اهله رغم انه مايقصر علي بشي
اصبري وانا اختك واحتسبي الاجر وابشري بالخير والله ماجانا الفرج والبيت الملك الا من دعاوي امه وابوه له عند كل الناس
والحين الجماعه كلهم يظربون لزوجي الف حساب لانهم يدرون انه بار في اهله رغم انه مش اكبر واحد فاخوانه
ادري كثرت الحكي لكن صدقيني باذن الله راح تجنين ثمرة صبرك