الرجاء الدخول لو سمحتم ما فيني أصبر

السلام عليكم .. كيفكم بنات
أنا الله يسلمكم أعاني من ألم وتحجر شديد في الثدي بس وأنتفاخ شديد من خلصت من الدورة يعني من طهرت منها قعدت تقريبا أسبوع وبدأ معي التحجر والألم وأول مرة يصير معي كيذا يعني بالعادة تجيني متلازمة ماقبل الحيض يعني يتحجر صدري وينتفخ قبل الدورة ب 10 أيام عادي متعودة بس هالشهر تحجر بعد ما طهرت من الدورة بأسبوع ومرة أتعبني فشكيت بهرمون الحليب قلت يمكن مرتفع مع انو الحمد لله مامعي مشاكل مع هالهرمون بس قلت اتأكد رحت للدكتورة وطلبت تحليل لهرمون الحليب وبالمرة قالت خل نشوف التبويض كيف ( لانو معي ضعف بالتبويض من فترة وزمان ما سويت تحليل وقالت خل نشوف يمكن ارتفع عندك وصار تبويضك تمام) للمعلومية ما اخذت منشطات بس الاستغفار والقيام والاناناس كله بعد ربي سبحانه (للفائدة)
المهم طلعت نتيجة التحليل وكانت المفاجأة هرمون الحليب تمام وطبيعي بعكس ما توقعنا والتبويض كويس وتمام فقالت الدكتورة اللي يتضح لي من خلال نتايج تحاليلك انك احتمال حامل واحتمال كبير حمل وكتبت لي حمض الفوليك ووصتني انتبه ومن هالكلام يعني كنها تقول خلاص انتي حامل مبروك .. قلت ابسوي تحليل حمل قالت لا مايوضح الا بعد اسبوع الحين ما يوضح لو بتسووين بيطلع سالب وانا اخاف اتعشم بالحمل وما يطلع فيه
الزبدة يابنات من قد صار لها مثلي وطلعت حامل والشيء الثاني آلام صدري اتعبتني جداً ونفسيتي تعبت خاصه اذا ما تعرفين انتي حامل او لا حيرة واكيد اغلبكم مجربين هالشعور آسفة عالاطالة .. افيدوني جزيتم خيراً