الرجاء المساعدة

السلام عليكم ورحمة الله وبركاته
ارجو منكم مساعدتي في حل هذه المشكلة
اكتشفت انه زوجي مدمن على المخدرات انهرت وما عرفت شو اعمل اتكلمت معه وانكر في البداية وبعدين وريته شو لقيت معه من مخدرات وابر اعترف وحكالي انه راح على الدكتور واخد موعد مشان يساعده وهون عندنا في امريكا دواء جديد يستعمل عشان يقدر يترك المخدرات راح جابه واستعمله وفكرت انه خلص المشكلة لكن لقيت معه كمان مرة مخدرات و اجهته وحلف انه بطل انا مش عارفة شو اسوي فكرت اني اتطلق وارتاح بس اهلي وضعهم المادي مش منيح يعني فقراء وزوجي بساعد امي ويعطيها راتب شهري هو طيب كثير وبحبني كثير وحكالي اذا سبته راح يقتل حاله وانا ماعندي وظيفة لاني مش دارسة بس خلصت الثانوية ولو تطلقت راح اكون عالة على اهلي مش عارفة شو اسوي واناهون وحيدة وبعيدة عن اهلي وما في حدا يساعدني حاسة حالي راح اجن