اختي الكريمه nalooo اشكرك جزيل الشكر علي الافكار الاكثر من رائعه افرحني مروروك الكريم ومشاركتك الصادقة بصراحة كل افكارك رهيبة واعجبت فيها وياليت اذا في بعد عندك افكار تعطيني ولواني ثقلت عليك
ممكن اسالك سؤال
انتي معلمة تربية فنيه؟:27:

مرحبا عزيزتي .. الزهرة القاتلة .. انشاءالله بس تكونين استفدتي من الأفكار المتواضعة ...

البارحه طول الليل كنت أفكر فيك .. وطلعت بأفكار ثانية ...

مثل ما قلت قبل لازم تسوين لج شعار و logo وتتحددين لونين يكونون على كل شي بتسوينه أوراق بوسترات بروشورات بطاقات الدعوة ملفات استاندات المدرسة .....................إلخ

يالله نبدأ .. بسم الله وعلى الله توكلنا ...

1- لو تلبسين الطالبات المشاركات معاج في المعرض أو الأسبوعلبس معين .. مثل البالطو اللي يلبسونه في المستشفيات بس لونه ما يكون أبيض .. أو أي لبس ثاني .. ولاتنسين تحطين الشعار و logo على اللبس وفرشاة وألوان.:55:

2- ممكن بالنسبة لأسبوع الملعمات .. تسوين مسابقة للمعلمات عبارة عن أجمل فصل .. وتركزين على الألوان .. مسابقة في الرسم وتكون مباشرة .. أو مسابقة تصميم أحلى بطاقة لمناسبة معينة أو مسابقة لأجمل دفتر تحضير .. أو إنج تسوين دورات للمعلمات في الأشياء اللي يحبونها .. وممكن تستدعين فنان يعلمهم شي معين هم يحبونه ...

3- ممكن تستعينين بشركة أو مؤسسة تنظم لج المعرض .. يعني التكاليف عليهم .. نحن ف الإمارات وخاصة في دبي نستعين بدائرة السياحة والتسويق التجاري .

4- ممكن تستعينين بالمدارس الثانية .. يعني تشوفين روضة ومدرسة ابتدائية ومدرسة إعدادية وثانوية .. توجهين دعوة للمدار س الحكومية والخاصة وشوفي المدارس اللي بتشارك وياج .. وتوفرين لهم الأدوات .. واللي يحلي المكان الأطفال .. وممكن تسوين لهم تيجان من الوراق فيها فرشاة وألوان ....إلخ طبعا انت فنانة وماله داعي أخبرج .

كل مدرسة بتشارك بشي معين .. الفخار الرسم على الزجاج .. الحرير .. والأشياء اللي موجودة في مناهجكم أو إبداعات الطالبات .. وهذه المدارس تكون موجودة عندكم خلال الأسبوع ساعتين مثلا .. ولاتنسين توفرين لهم وجبة فطور .. وفي النهاية تعطينهم شهادات تقدير وهدايا رمزية ..

5- ممكن تستدعين فنان من بلدك أو من بلد آخر يرسم في نفس الوقت ويعلم الطالبات أساسيات الرسم ..

6- المعرض بيكون مقسم لعدة أقسام قسم للوحات الطالبات وقسم للوحاتك وأقسام لفنانين من بلدك .. ولاتنسين تكتبين اسم الفنان في القسم التابع له .

7- بالنسبة للأزياء ممكن تسوين عرض أزياء للألوان .. يعني كل وحدة تكون لابسة لون معين وتشرح خصائص هذا اللون ووميزاته وتأثيرات النفسية على الأشخاص .

8- من الوسائل الملونة ممكن تسوين لوحات فرشاة كبيرة وألوان وتلبسين الطالبات ..

9- ممكن تسوين تمثيلية وهي عبارة عن طفل يحب الرسم وكان دايما يرسم على الجدران وطلع برع البيت ورسم على جدران الجيران والمدرسة .. والكل كان يعاقبه .. وكره الرسم .. لكن يكون في التمثيلية شخصية فرشاة .. تكلم الطفل الزعلان .. وتنبهه لخطأه .. في البداية تسأله ليش إنته زعلان .. يرد عليها الطفل .. أنا احب الرسم ومحد يخليني ارسم .. تسأله الفرشاه .. أنا بخليك ترسم .. يتجه الطفل إلى الحائط ليرسم .. تقوله الفرشاة لا.. يا ( ... ) نرسم على الأوراق .. فعطته الفرشاة ورقة صغيرة حجم a4 يقول الطفل هذه صغيرة أنا أبغي كبيرة .. فتعطيه وسيلة كبيرة اللي بيعونها في المكتبات بدرهم واحد .. فيرسم الطفل ويبدع في اللوحة .. وبالتدريج امتنع عن الرسم على الجدران .. ولما الكل لاحظ هذا التغير وإنه مبدع في لوحاته .. أقاموا له معرض .. والفرشاة قالت له تبغي تبدع أكثر وترسم على الجدران .. توجه إلى مدرسة ( ... ) واللي هو معرضك .. أقصد اليوم اللي فيه الرسم على اللوحة الكبيرة .

هذه ممكن تكون تمثيلية وممكن تكون بطاقة دعوة للمدارس على هيئة قصة تدعين فيها الطالبات لمدرستك يشاركون في الرسم .. وممكن دعوة لأولياء الأمور عشان عيالهم يشاركون في اللوحة .. وياليت تكون في حديقة المدرسة .. وإذا ماعندكم حديقة يكون في إحدى الحدائق العامة .. والرسم على الأرض أحل وأمتع للأطفال .

10- ممكن تستخدمين الصور الكرتونية الخاصة بالرسم clip art
يعني فرشاة فيها أيدي وأرجل تكبرينهم وتخلين هذه الفرشاة كأنها تقول عبارة عن الفن أو عبارة ترحيبية .............. إلخ

وإذا في أي سؤال أنا حاضرة .. والله يوفقك إنشاءالله

عفوا .. وأنا في الخدمة .. أنا معلمة مهارات حياتية أو تربية أسرية أو اقتصاد منزلي .. لها عدة تسميات .. بس دايما أشارك في الأنشطة .. أنا بدور لك عن رسوم أو صور ممكن تفيدك بس كيف ممكن ارسلهم لك ؟؟:confused:
وأنا تحت أمرك .. صح نسيت أقولك شي .. يوم بترتبين الصور في المعرض .. أو إذا سويتي بروشور فيه صور أو رسومات .. حطيهم على شكل النيجاتيف .. يوم نصور أي صورة ونحمض الفيلم ف الأستوديو ... يعطونا الصور وشايح سوداء في الصور واللي نسميها النيجاتيف .. في office xp بتحصلينه في الأشكل التلقائية .. وإذا ماعندك .. سويه بسيط وإذا ما عرفتي أن بخبرك ..
وأنا حاضرة لأي شي .. الله يوفقك إن شاء الله

مشكوره حبيبتي ويعطيك العافيه علي افكارك الحلوة يارب يرزقك الجنه
ماشاء الله عليك مبين انك نشيطة ومبدعة
وشكلي تعبتك وايد معي خليتك تفكرين طول الليل وبالنسبه للصور ياليت والله تبعثيهم لي بكون ممتنه انا حاولت ابعثلك رساله خاصه عشان احطلك ايميلي عشان تبعثيهم بس انتي لغيتي استقبال الرسائل الخاصة علي العموم اذا في عندك طريقه ممكن تبعثيلي الصور انا انتظر وبالنسبة لطريقة بروشور الصور ياليت لو تشرحيلي الطريقة
تقبلي تحياتي والسموحه منك عاد:27:

عفوا حبيبتي .. بالنسبة لبروشور الصور .. ممكن تصورين الطالبات يوم يرسمن أو بعض لوحاتك أو لوحات الطالبات .. يعني نتاجات التعلم .. تحطين 3-5 صور تقريبا .. وترتبينهم على شكل النيجاتيف .. أنا بسويلك واحد وبرسله ..
وبالنسبة لي كيف ممكن أخليك ترسلين لي رسالة خاصة .. أقصد شو أسوي .. أنا مب متعمده إني ألغي بس يمكن ما انتبهت .. سامحيني