الرجاء المساعده من بنات بريطانيا عن برايتون (تمت الاجابه)

الدمعه الـحـائـرة :

هلا اختي Mimi جيتي على الجرح والله صراحه برايتون مدينه حلوه صدق زحمه وناسها كثير لكن والله الحياه والوناسه كلها في برايتون توني ناقله منها صارلي اسبوعين والله انا وزوجي نادمين كثير علشان تركناها لكن بسبب ضروف دراسته لازم نرحل عنها ... بصراحه ما قدرت اصبر عن بعدها قلت لزوجي الاسبوع هذا لازم نروح برايتون ان شاء الله اسمعي اختي راح اكتب كل الي اعرفه عن برايتون .. هي مدينه ساحليه حلوه لكنها زحمه شوي فيها بعض العوائل السعوديه اذا وصلتو برايتون بلغيني وانا اعرفك على صديقتي هناك 1-فيها مطاعم عربيه كثير حلوه .. فيها مطعم هندي يضبط البرياني على اصوله حلو مره وروعه فيها مطاعم صينيه ومطاعم مغربيه والي تبين ... كثرت عليك المطاعم لكن حبيت اعطيك فكره بـــس 2- فيها محلات عربيها فيها كل شي ( واحد اسمه طيبه والثاني اسمه تاج ) بصراحه كل شي موجود فيها مواد غذائية كنك في السعودية 3- فيها مسجد يصلون فيه الحريم كل جمعه ويجتمعون فيه من الساعه 12يلقون محاضرات ويتعرفون على بعض 4- ما يحتاج سياره ولا شي الباصات ما خذه مكانها كل مكان تبين تروحين له بالباص ثلاثه باوند الروحه والجيه .. باوند ونص لروحه بس أو الجيه فقط .. بس الأم والأب من غير الاطفال مجاناً 4- بصراحه الأسعال في كل مكان في بريطانيا احسها نفس الشي اكيد ما فيه شي رخيص بس الاسعال متقاربه في كل المدن لأني جربت اسعار برايتون واسعار مدينه ثانية تقريباً نفس الشي 5- وقت دوام زوجك تقدرين تدبرين امورك بنفسك ما فيه خوف كل شي قريب منك والباص يسهل المشوار عليك بس يبيلك تعرفين المنطقه زين اسبوع وتتعرفين عليها اذا طلعتي كثير .. بصراحه انا غلطتي ما اعتمدت على نفسي في البدايه كله على زوجي بعد ما عرفت المنطقه زين وصارت معروفه عندي نقلنا مدينه ثانية يالله 6- فيها سنما وفيها ملاهي حليوه ما تعجبني حلوه للطفال وفيها مكان والله ما اعرف اسمه تحت الأرض فيه انواع السمك والمخلوقات البحريه حيه تتحرك حلو يعجبني شكل الاسماك والسلاحف وغيره . 7- اما السكن والله ما اعرف عنه شي أسأل زوجي وارد عليك اذا ما نسيت بس ذكريني في رساله خاصه لأني نادر ما افتح المنتدى اللهم اشوف اذا فيه رسائل أو لا واذا حابين رقم زوجي يستفسر منه زوجك عن اي شي انا حاضره حتى اذا جيتو برايتون انا على استعداد اجي واعرفك على الي تبينه .. بصراحه انا على الريحه ودي اي سبب علشان اروح برايتون واكل برياني واجلس على البحر .. بدل المدينه الي انا فيها ناسها ميتين ما فيها حركه ولا نشاط ولا تحسن حتى في الأمان وهي فيها اكثر من 40 عائله سعوديه منغير الهنود المسلمين الي ما لين المدينه لكن لا حياه لمن تنادي ........ المهم اي شي تبينه راسلين على الخاص ..... توصلون بالسلامه والله يسهل دربكم ويسهل غربتنا وغربتكم يارب

هلا اختي Mimi جيتي على الجرح والله صراحه برايتون مدينه حلوه صدق زحمه وناسها كثير لكن والله...