الرجاء مساعدتي **

اهلين اختي انتي قصدق المحلا لأن المكونات اللي انتي ذاكرتها هي نفس مكونات المحلا لاكن مايطلع مثل التراب اذا تبين قوليلي واكتب لك الطريقه وسلامتك.

الممروس ع طريقتنا نحن هل دبي

نسوي عجينه مكونه من طحين رقم 2 وملح وماء وتكون مثل عجينة الخبز ونخليها ترتاح مدة نص ساعه بعدين نشكله على شكل خبز دواري وسمكيك ونقليها في الزيت لين ما يستوي بني ويوم يبرد نكسره ونخطه في الخلاط ويستوي مثل التراب بعدين نخلطه في تمر ودهن وهال هاي طريقتنا

معليش اختي نسج الخيال توني اشوف المشاركه اذا ما عليك امر اكتبي الطريقه شاكرة لك وللأخت روح جميرا على الرد

السلام عليكم ورحمة الله وبركاتة
أختي الحلى اللي قلتي علية أسمة عندنا في قطر البثيث

ومقاديرة كالأتي:
كوب تمر منزوع النوى+كوبين طحين رقم2محمر +نص كوب سمن+ماء ورد +هيل+زنجبيل حسب الرغبة

الطريقة: بعد تحمير الطحين يوضع علية المر ويحرك بعيدا عن النار حتى يتجانس يرش علية السمن شوي شوي مع التقليب ثم ماء الورد والهيل والزنجبيل ويخلط حتى يصير مثل التراب زي ما قلتي

:27: