الرجاء من العضوات سرعة الحل لمشاكلي في الكمبيوتر

إنتي وديتيه للمختص يصلحه والا يخربه ^_^

بس المسج الأولى تقول إن النظام مب قادر يبدأ لأن فيه شي موقفه .. وبالعادة هاذي تكون مشكلة في النظام يعني كأن فيه شي يسوي تضارب .. مثلا ما تحمل الوندوز بشكل صحيح أو السي دي نسخة معطوبة .. أو إنه ما تم تعريف أحد قطع الجهاز بشكل سليم فالجهاز مب قادر يبدأ بشكل صحيح لين توقفين اللي مسبب العطل .. وانتي تقولين المودم .. بس وش الزر اللي تضغطينه ؟ يعني مودمك خارجي ؟

ومشكلة المتصفح كانت تظهر لي بسبب مشاكل في الجافا أو الآكتف إكس .. تكون ما ثبتت في الجهاز أو إن فيه برامج حماية تمنع بعض البرامج من العمل بشكل صحيح ..

بس عموما غريبة إنه يرجع الجهاز بعد الصيانة وهو فيه كل هالمشاكل ؟؟؟

المفروض يرجع من أحسن ما يكون ..

بس يظهر إنه شغل جزارين ^_^

الله يعينك إن شاء الله تنحل مشكلتك .. وانا باخذ مشاكلك واسأل عنها ..

بس عساي ما أضيع الموضوع هنا بالمنتدى @@

في امان الله ..

أختي الغالية بنت قايد الريم جزاك الله خيراً على سرعة الرد وتعرفين أختك الله المستعان عليمية كمبيوتر يعني ماعندي دورة وأحاول بالممارسة أن أصلحة لكنه خربة مرة الله يعين ماعاد تثقين في هؤلاء الأشخاص لأجل ذلك عرضت مشكلتي عليكم تسلمين ياعمري

بالنسبة للمشكلة الأولى هذا الرد عليها
************
هذه الرسالة لها اكثر من معنى
على العموم قد يكون المتسبب فيها اهتزاز احد الكيابل المثبتة بجهازك فتاكد من وصلات الجهاز الداخلية بالكامل
***********
يا ريت لو تجرب تعمل "شورت" على البايوس وهذا ممكن اذا شفت جمبر على المذربورد مكتوب عليه clear cmos وهذا الجمبر مكون من ثلاث رؤوس وبكون الجمبر على 1 و 2 شيله وركبه على 2 و 3 مع التاكيد انه الجهاز مفصول عن الكهرباء واتركه لمدة 5 دقائق وبعدها اعده الى 1 و 2 ووصل الكهرباء وشغل الجهاز وان شاء الله تنحل المشكله ، واذا يعطيك مسج boot failure تاكد من ان الهارد درايف معرف في البايوس .
*************

ادري ما فهمتي شي من المكتوب لان انا بعد ما فهمته كله ^_^

بس الزبدة إن مشكلتك الأولى يبيلها فني .. لانك ما رح تعرفين تحلينها بنفسك ..

والمشاكل الباقية جاري البحث عنها .. بس طالما فيه مشكلة أساسية يبيلها فني فأعتقد لازم تودينه عند شخص ثقة .. اسألي أحد من أهلك أو صديقاتك عن فني ثقة تودينه عنده ..

كان بودي أساعدك والله بس يظهر المشكلة أصعب من أن تحل أون لاين ..