الرجاء من الكل الدخول والدعاء

الرجاء من الكل الدخول والدعاء بصدق مو كتابه بس الدعاء لاخيك المسلم بالغيب بجابه باذن الله
والله وانا جالسه اكتب ما اقدر اشوف الكيبورد من الدموع
ياليت من كل محده تدخل تدعي لام زوجي بالصحه والعافيه اليوم وفجاه ماقدرت تمشي وبسرعه الشباب اخذوها للمستشفى وقالو يمكن جلطه ولا نزيف بالمخ والله ماندري والله حالتنا لا يعلم بها الا الله
بس فيه شي غريب هي تستفرغ وانتم بكرامه شي اسود طول الوقت شي اسود وكانت هي متغديه طبيعي ومن الغداء الي هي ما كلته ولا شي طلع كله شي اسود احنا شاكين بالشغاله
الشغاله جديده وتسوي نفسها ماتعرف شي بس والله هي تعرف بس تستهبل علينا وكانت ام زوجي تقول ما ابيها رجوعها للمكتب وهي جايه بوسط رمضان يعني تقريبا ما بقى على اتمام الثلاث شهور شي ولما كلمنا حق المكتب الاندونيسي قالنا خلوها ثلاث شهور يلعب علينا يبغى تخلص المهله علشان مانرجعها وعلى فكره الشغاله تجلس بالحمام بالساعات وتنافخ لما يقلون لها اطلعي والله تدخل مثلا من الساعه 11 ويالله يالله تطلع الساعه 1 بعد مايكسرون عليها باب الحمام
اعذروني طولت عليكم بس ما ادري وش اسوي وزوجي ما ادري عنه من العصر ولا اقدر اكلمه لانه مع امه بغرفة العنايه ولا ادري وش الي صار
ادعو لها ادعوا لها