الرجااااء من البنات اللي اجروا عملية الليزك الدخول مباااااشره

توكلي على الله ولا تشيلين هم وراح تندمين انك ماسويتيها من زماااااااااااااااااان

بس اهم شئ بكون الدكتور ممتــــــــــــــــاز .....تحري زين على الدكتور


اتمنى لك عمليه موفقه بإذن الله

فوضاوية ( ياريت ما يكون لك من هالاسم نصيب )

توكلي على الله وباذن واحد احد ما راح تندمي ..
سويتها من اكثر من 6 سنوات ولله الحمد ما ندمت لحظة اني سويتها واعرف كثيرات سووها وهم نفس الشي ..
استخيري وتوكلي على ربك ..
اختاري مستشفى سمعته جيدة في هالمجال ..
انا سويتها في مركز المغربي ..

اذا حابة اي معلومات احنا برسم الخدمة

الله يوفقك:27:

السلام عليكم..هلا اختي انا عملتها قبل سنتين ومرة مرتاحه فيها ونظري الحمدالله كويس..
قبل مااسويها كنت خايفه بس الحمدالله الدكتور مره كويس وكان يطمن المريض ويهديه..
انا عملتها العصر وبعد ماخلصت ماقدرت افتح عيوني الا على ال12 بالليل بس اذكر انه كان فيه قطرات كل ربع ساعه احطها..طبعا الدكتور اكيد راح يشرحلك..بس لا تشيلي هم ابد...بس لازم تنتبهي كثير بعد العمليه من المويه والشمس وانتبهي على محيط عينك يعني ماتفركين بقوة ..هذا بيطول معك حول 3 شهور لازم تكونين حريصه وخصوصا في السجود..وترى نظرك مراح يثبت الا بعد 4 الى 5 شهور..بس منجد بعد لما تخلصي منها بيطيح عنك هم غير طبيعي..نظارة وعدسات والسالفه هذي كلها..عموما من الحين اقولك استخيري قبل لا تعمليها والله يوفقك ويقومك بالسلامه يارب..

اضم صوتي للآخوات إتكلي على الله وسويها
بصراحه راح تندمين على الآيام اللي فاتت وانتي ماسويتيها

حبيبتي فوضاوية:

لا تترددين و لا تشيلين هم.

عشان بس ما تنفجعون عائلتي كلها عميان بعيد عنكم و الشوف عندهم شجر. أنا بصراحة ما سويتها لأني ما البس نظارات، لكن أخواتي الثنتين سووها صار لهم تقريبا 3 سنين عند الدكتور عبدالله الجبرتي في الحبيب. و الحمدلله نجحت العملية. و بعدهم 2 من بنات عمي و خالتي و 3 من بناتها و ولدها (آخرهم من شهر و نص) برضو عند الدكتور الجبرتي لكن في مركزه الجديد.

بالنسبة للعملية نفسها ما فيها ألم لكن المشكلة باللي بعد العملية. مثل ما قالت لك الأخت ندالدودة لازم تنتبهي للعين بعد الليزك على طول من السجود عشان ضغط العين و ما تتعرضين للشمس و إكشخي بنظارة شمسية حتى و انت بالبيت. و بالنسبة للآثار الجانبية شبه معدومة للعميان (سابقا) اللي عندي. لكن خالتي -48 سنة- لازم تلبس نظارات للقراءة و هذا شئ طبيعي لأي شخص عمره فوق الأربعين.

و مثل ما قالوا خواتي بنات حواء إستخيري و الله يكتب لك ما فيه الخير. و الحمد لله على السلامة مقدما. :26: