الرجال اللي يخطب من دون اهلة

ليش يخطب بدون اهله ؟! الاجابه عند الخاطب مو عندنا


وكيف تقولين الخاطب شخص مناسب وكويس وهو حتى ماعمل لاهله قيمه ولا اعتبار ولا حتى لك ولاهلك اي قيمه وجاي يخطب بدون اهل مايعرف الاصول
ما حسيتي ان طريقته واسلوبه يصدر من شخص متسلط او عاق او راعي مشاكل ؟ بصراحه مدري من وين جاء في بالك انه مناسب وكل هالعيوب فيه
لا يغريك المظهر الخارجي اساساً ما اتوقع ان اهلك سألو عنه لانهم رافضين اسلوبه



يا اختي لا تتمسكين في رجال لمجرد انه فرصه بالنسبه لك وترخصين من قدرك وتقبلين بشخص اساساً ماحط لك ولاهلك قدر وقيمه
الزواج مشاركه ومصاهره مثل انصهار عايلتين مع بعض هذول اللي بيكونون عمام اولادك واجدادهم اذا هم ماقبلو فيك وطلبوك من اهلك وراسك مرفوع كيف تدخلين بينهم مهانه مكسوره ؟!
حتى نظرتهم لك ولاهلك بتكون دونيه واحتقار لانكم ارخصتو انفسكم عشان زواج
ومن فتره بنت كتبت موضوع بهذا القسم ان اخوها خطب بدون موافقتهم وشوفي الردود كلهم يلومون اهل البنت لانهم ارخصو بنتهم عشان فيها مرض



بصراحه اللي مثله ماعليه ندم ابداً خلوه يعرف الاصول والواجب
وما اظن في عايله محترمه بتقبل تزوجه من بناتها بدون موافقة اهله


واذا على الذوق واختيار بنت تعجبه يقدر يجيب امه وخواته يشوفونك مبدئياً ثم تتفقون على الشوفه الشرعيه واذا تم النصيب الاهل يتفقون على باقي الامور وتتم الخطوبه حسب الاصول


تعوذي من الشيطان وحبي نفسك وعزي نفسك
اسأل الله ان يشرح صدرك وييسر امرك ويعوضك خير

حسب الوضع زوج بنت عمتي جاء شافها ولمى عجبته وهي وافقت عليه جاب اهله يقول اهله بهذلوه كل ما دلهم على وحده طلعوا فيها عيوب الدنيا وهو يبغى يتزوج بمزاجه هو مو مزاجهم وماشاءالله مبسوطه معه وعندها منه ولدين

حمدالله

بعضهم يحب يستقل بقراره واختياره وإذا راح يخطب ووافقوا يجون الأهل!
مو شرط أن فيه مشاكل أو ماحط اعتبار لأهله.
الحين الدنيا تغيرت وفيه كثير أعراف ماعادت موجوده

صراحه شي يخوووف ليه يخطب بدون اهله ممكن في شي او يبون له وحده من قرايبهم وبعدين يقلبون حياه مرت ولدهم جحيم صراحه لو منك مااوافق اكيد