الرجال صار يستحي ويحافظ على اسراره الزوجيه اكثر من الحريم

كنت اتصفح بمنتدى يخص الحياه الزوجيه
واتصفح بعالم حوا

يالله يابنات اكتشفت ان الرجال اكثر حياء وتحفظ للاسرار الزوجيه اما الحريم للاسف كل شي يقولونه عن اسرارهم الخاصه انا ودي اعرف ازواجكم يدرون انكم تكتبون عن هالاسرار بالمنتدى والله احيانا تستحين وبنفس الوقت تتقرفين وانتي تقرين على الاقل يتغير الاسلوب شوي بحيث مايصير خادش للحياء وقريت رد لرجال واحد يسأله باستفسار لكن عصب وقال موب شغلك ماشاء الله عليه حتى بالمنتدى حفظ اسراره عن الناس واغلب الرجال كذا مايحبون يوصفون زوجاتهم واذا طرح مشكلته باسلوب تتقبلين تقرينه خاصه بزوجته فقط لان فيه رجال يحبون يقللون ادبهم بس اذا تكلم بزوجته مستحيل ينفرط بالكلام اما انتم يالحريم زوجك يستر من هنا وانتي تفشين من هنا وين الحياء ! المفروض تكون الحرمه اكثر حياء من الرجال لاتقولون ماقلنا شي حتى لو تقولين زوجي ضمني باسني وتعلمنا وش لون قميصها وتعلمنا اوقات العلاقه متى وكيف تبدا وكيف وكيف وامور كثيره تخص العلاقه الخاصه المفروض مانتكلم فيها ولو من باب المزح او التسليه لانها تعتبر من الاسرار الزوجيه بعضكم تتفاخر فيها مايحتاج تتكلمين لانك مو انتي الوحيده اللي يصير لك كذا كل المتزوجات يعني عارفين هالشي مايحتاج تنشرين غسيلك والله نادر اقرا عن رجال انه يقول زي ماتقولون عن زوجته فقط والله يهديكم
لاتجي وحده تقول ان الرجال يتكلمون عن زوجاتهم صح فيه لكن نادر وانا تصفحت المنتديات وشفت ان الحريم اقل حياء بذا الامور والله المستعان
:06: