الرجال على ماعودتيه شلووووون اعوده شلوووووووون

السلام عليكم
اهلا بجميع اخواتي الجميلات والعسولات :26:
طبعا انا بعرض عليكم مشكلة زوجي وابيكم تعلموني شلون اتعامل مع هالشخصيه
لان بجددد تعبت منه فيه نقطه اكررررره اكرررره فيه اللي هي العجزززززز زوجي عجاااااااااااز درجة اولى
ويكره شي اسمه خلنا نطلع او خلنا نسافر انسان روتيني يحب يكون اليوم مثل امس
طبعا ماانكر احيانا يوديني مطعم بدون مااطلبه وطبعا روحات لاهلي ماعمره قالي لا او مثلا ابي اروح لصديقتي مايقصر معي ابد
بس انا نفسي نطلع انا وياه نتمشى ونتعشى يعني يوم كامل لي هذه ابد موب في قاموسه
والمطاعم اللي يوديني اياها اتحدا تكون بعيده يدور القريب
طبعا اللي زادني وخلاني ادخل واشكي لكم اللي صار اليوم من امس وانا اقوله بكره نطلع نتمشى قال خلاص
جا المغرب وقال يلا انا انبسسسطت ركبت السياره قال وش ودك قلت خلنا نتمشى بالثمامه بالسياره ونطلع لمطعم نفسي فيه من زمان قال لالا مشوار مره ثانيه مدري متى المره الثانيه قلت طيب خلنا نروح كوفي ونجلس فيه قال وش الفايده انا هنا كتمممت قال وش فيك اذا بتكتمين نرجع للبيت قلت مافيني شي قال ها وين تبين نروح قلت اللي تبي بعدها مر محل وشر له غرض ومر كوفي طلب من السياره ونزل صلى العشا وكل هذا وانا بالسياره واحاول اني اسولف ولا اوضح شي لان عندي امل انه بينزلني مطعم قالي بعدها وش تبين عشا قلت اللي تبي لان حامة كبدي وماعاد ابي اقول شي قال طيب جاب عشا ورجعنا البيت الساعه تسع وش رايكم :22:
طبعا الاسواق والمنتزهات ماعمري فكرت اقوله يوديني لانه يقولي مااحب الاختلاط وقدرت هالشي وكلما بغيت السوق رحت مع امي
مره قلت له بشتري اغراض من ايكيا من يوم حطيت رجلي في المحل وهو يقول يلا يلا اعجلي احاول اخذ رايه بالاشياء يقول عاجبك خوذيه :o احسه في الامكان هذه تعرفون اللي كهرب مايبتسم ويتنرفز :angry2:
طبعا دايم اسمع الرجال على ماعودتيه شلون اعوده ان نطلع ونتمشى موب شرط اسواق اي مكان والله مااعرف اتعامل معه

السفر من اجازة الترمين وانا اقوله سفرني يقول لا مااحب الزحمه بعد الاجازه وللحين ماشفت شي
عطوني حلول ابي اخليه يتعود على الطلعه
وجزاكم ربي الف خير