الرجال مايحسون لحد مايجيهم الضرر ويحسون بزوجاتهم

هذا الشي سويته بعد مامافاد ترجي ونفسيتي تدمرت كرهت بيتي حسيته مب بيت طبيعي
هذا ياطويلات العمر انا من تزوجت ست سنين وانا بكل سنه تمطر فيها الناس تفرح وانا اتنكد
ليش؟!! لانه بيتي يا انه مبني على وكر حشرة ابو مقص
او انه الارض اللي جنب بيتي فيها بيته
ارش البيت اقضي عليهم داخلي بس مشكلتي برا
يجوني من برا بحزه المطر
الحوش صار يخوف بهذيك الاوقات
مب واحده ولاثلاث ااااااااه يخوفن
تخيلوا وقت اخر الشتاء لحد ماتصيير درجة الحراره الظهر 44 هذا وقت صحيانهن من سباتهم ويخوفون جربت قرصتهم توووجع وهما معروفات لهن اسم ثاني ثاقبة الاذن انه تدخل الاذن تتسلط على الاذن واللي عندهم مزارع اكيد يعرفونها
تخيلوا يطلع لي من تحت السرير 20
ومن تحت الفرشات ومن تحت الكنب وتحت الغساله
لانقولون لي لاتخلين جو البيت رطب
مو هما يدخلون علي مع الجو الرطب بحزة الامطار ويتزواجن يمال قطع النسل
ويطلع لي من فتحات الباب والجدران من فوق شي مررعب
ووللاسف ماتمطرر المطر اللي يطلعهم الا وانا حامل بولدي الاول عانيت ثاني سنه مرتاحه ثالث سنه احمل فيها امطرت والسنه اللي فاتتت مرتاحه وهالسنه امطرت وانا حامل
وصعب الحقهن بالجره اذا الناس العاديه ممكن تتسمم من هالمبيد اذا طولت متعرضه له وشلون انا الحامل وودي ارش الارض اللي جنبنا بسس اخاف يحسبوني الجيران ساحره بيشوفون حرمه تبخ شي والنيه سيئه موجوده
وزووجي بااارد يبي يشوف عقرب حتى يتحرك
والسيفونيه الدائمه اللي يقولها لي ؛؛؛؛؛
يابنت الحلال واحنا صغار كنا نذبح العقارب !! مو انت يابن الحلال من جييل الطيبيين انا من جييل مابعد حرب الخليج
مالي الحمدلله خبره بالعقارب حدي بريعصي وابوي الله يجزاه خيير يلحقه بالبيت وامي ياللي هي من جيل الطيبيين تخاف بعد
يااربيه بسس يقارني بالعجز من اخذته ولاا
يقول يابنت الحلال تتوهمي المصيبه الاعظم تنط عنه وتجي تقرصني انا والله جد ماغير تقبصني انا
اتعداه وهو نايم وتجيني
لمن ضاقت فيني السبل قبل يومييين لمن شفت بدأن يدخلن من فتحات البيت طبعا مسكره اللي اقدر عليه بسس يدخلن من مراوح الشفط وهما صغار وتاتيني خطه من بعد 12 ص قلت مسويتها مسويتها ونشوف نتايجها
رحت بخييت على واحده ريد وماتت ومسكتها بمناديل وخبيتها بالدرج وجهزت لي ابره كبيره اللي مادري وش له تستخدم كبر الكف
المهم لمن قرب الفجر والحبيب نايم ورحت فتحت الدرج اللي جنبي وطلعتها هالحشره وحطيتها جنبه حول رجليه
وقميت افكر باشياء براسي حزينه ايام معاناتي مع هالحشره حتى ماضحك
واجي ابط الزوج المصون بفخذه وسحبت يدي كانه مافي شي
ويفقع ويسمي وخايف وش ذا ؟؟
ويفتح اللمبه ويقعد يشوف ياربيه وش ذا اللي اوجعه ولانه ابره طلع شوي دم
وخايف طبعا وش هالقرصه
خفت يطير االحشره ويضيع مخططي اقول افتح البطانيه شوي شوي لايضييع بالغرفه اللي قرصك
ويفتح يحصل ابو مقص مغفوص معجون قمت اضحك عصرته
وقاعد يحك مكان وجعه والله ياهي توجع
وشكلي جبت له فوبيا قام ينفض الغرفه نفض ويدور فيه شي
ويصحيني الصباح من بدري روحي لاهلك وانا بروح لاهلي عشان برش البيت من داااخل بالجره
جلست يابنات ست سنين احاااايل فييه يرش البيت مضبووط واعذاره؛::
ريحته تكتمني ولا اذا كان ناوي يسافر اوصيه يرش قبل وكلمته نسيييت نسيييت
بطقة ابره سوا كل شي
ايييه ليتني مسويتها منذ مبطي