ياحبيبة قلبي ياحفيدة حواء
حاسة بشعورج يالغالية
صحيح اني ماتجوزوت العشرين سنة ومو متزوجة بس حبيبة قلبي زواج الرجل مايعني نقص في زوجته وما يعني انه مايحبها
معليش حبيبة قلبي
الرياييل بعضهم يتزوج من اجل التغيير على قولته وانتي فاهمة وش اقصد لكن انتي الاصل وثقي انه بعد مدة راح يرجع لج
وانتي لاتغيرين معاملتج له..انا دارية ان هالشيء صعب عليج ..بس ان تغيرت معاملتج له للأسوأ راح يقول في نفسه الحمدلله اني تزوجت وعرفتها على حقيقتها خل اروح لزوجتني الثانية يمكن تدلعني..وانتي خابرة..
انتي الآن في وضع منافسة واعذريني على هذا التشبيه بس هذا الواقع..
وكل ماكنت معاملتك احسن من الاول راح يحي بالذنب انه تزوج عليج وراح يراجع حساباته..
والزواج حلال بس الزوجة يحترق قلبها..ومالج الا انج تحتسبين الاجر عند الله..والدنيا فانية فمافي داعي نخليها تسير بنا وقلوبنا مشحونة..
دعواتي لج بالحياة المستقرة والله يبعد عنج القهر والهموم يالغالية

حبيبتي وبعد عمري انتي الله يعينك ويصبرك واعتقد الخوات كفوا ووفوا

بس انا عندي شي بقوله لك عسى ان تتحسن نفسيتك ويحتسب لي الله فيه بعض الاجر انتي ياحبيبتي

لما قلتي ان زوجك (الله يخليكم لبعض ..ولا يفرقكم ابد ويقرب بينكم ) راح ولا ودعك وداع حار بس مع السلامه مو تفكرين انه تغير خلاص بعد ماتزوج ..لا ياعمري اهو مستحي منك وحاس بذنب تجاهك ..لانك كنتي طيبه معاه وانصحك تبقين دايما كذا ماتغيرين اخلاقك الحلوه

خايف تقولين في نفسك او حتى تجهرين انك ليش تحظني بحراره دام عندك وحده ثانيه ! يعني مثل هالكلام ماني قادره اعبر اكيد انتي فاهمه

وانا قولك زوجك يحبك ثم يحبك ثم يحبك وحده مثل اخلاقك لازم تنحب

وبطلب منك طلبه يااختي العزيزه ابيك تدعين لي في صلاتك ان ربي يفرج لي همي وهم المؤمنين والمؤمنات اجمعين

وهذه وصيه مني لك لاتنسيني من الدعاء

وانتظر ردك علي

ايه نتايجها مره حلوه وبانت الحين انه تزوج ثانيه ولو تسألينه بيقولك انها جزء من المشكله

رجال مالهم امان صحيح

ومافيهم صبر كمان

اكيد حد حواليه تم يقرقر فوق راسه تزوج تزوج وحده عندها عيال
عشان تجيب لك عيال بسرعه

ماقال لا بصبر على حرمتى لان فى امل ان شاء الله بالانجاب

لا حول ولا قوه الا بالله

يالله نحل المشكله جذريا

مادام هو تزوج وغرضه الرئيسي العيال 100%

1- اجتهدى بالدعاء ان تحملى قبلها وتجيبي له ولك عيال يارب امين
2- اذا كنتى طالبه كملى دراستك واذا كنتى مخلصه اشتغلى لا تجلسي
بالبيت بتاتا لان الجلسه والوحده تجيب الوسواس والعصبيه والضيق
3- عندك هوايات؟؟ عندك صديقات ؟؟ دايما لما يروح عند زوجته
الثانيه خلى وقتك لهواياتك ولنفسك وللوناسه والصديقات
انسيه بتاتا
4- مثل ما قالت اخت من الاخوات طنشيه لا تسوى له سالفه وايد
ابدأى بحب الله وحب الرسول وحب نفسك قبل كل شي فكرى
بنفسك . وسالفه التضحيات شيليها من راسك والله الرجال
ما يذكرون تضحياتها الا بعض الرجال ( النادرون)
5- تذكرى زواجه مو غلط لكن الغلط
هو انه ماصبر على العشره وعلى علاجكم المشترك للانجاب
هنا الغلط ..

لاحول ولا قوه الا بالله

اتمنى لك السعاده يارب
واطلب من كل اخت تدعو لك بالحمل والانجاب يارب
( وقبل المحروسه بسلامتها)

سلام عليكم