الرجل اللي يفرق بين حريمه واولاده

اولا الله يريح بالك
ثانيا بخصوص وجهة نظرك في موقفه من تعليم عيالك فأنتي من حقك تزعلي

لكن منطقيا هو معه حق
انت تقدري تقنعيه يسجل عيالك في معاهد لغات لرفع مستواهم في اللغه
وصدقني النجاح والتفوق مو متوقفه على المدارس العالمية

لا طبعاً ماله حق و سبحان الله احياناً اللي مظلوم ربي ياخذ حقه بالدنيا و يعطيه اجمل مما كان يتمنى صدقيني من تجربة اخواني من ابوي كلهم درسو في اهلية و انا بس اللي درست حكومي خلصت دراستي بتفوق الحمدلله و همه حتى ثانوية ما اخذوها

وين باقي الردود احتاج تفاعلكم

شوفي ياقلبي بما انهم ما يتكلمون عربي اكيد يحتاجون مدارس خاصة انا رأيي مالج علاقة بأبناءه وحياته الثانية نهائي لانج بتتعبين شوفي انتي اشتبين تبين عيالج يدرسون بمدارس أجنبية اطلبي وقولي بعيد عن دخلت عيالك الثاني لازم تدخل عيالي المقارنة هذي مالها داعي و متعبة جدا في الحياة أو دفع لعياله أكثر لازم يدفع العيال مو مثل الزوجة الزوجات لازم يكون الإنفاق عليهم بالتساوي اما الأبناء كل واحد واحتياجاتهم مثلا إذا أنا ادرس انجليزي واختي كمبيوتر اكيد اختي بتحتاج جهاز معين ميموري برامج ومن هالكلام هل اقول لأبوي انا بعد ابي وانا ما احتاج أو عطني قيمة اللي شريته لاختي اساسا مو ملزوم لأن هو يوفر لكل واحد احتياجاته حسب دراسته هذا طبعا مثال مو اكثر بالنسبة لج اطلبي لعيالج اللي تبين وماعليكي من غيرك والتوفيق من الله
احنا حريم والغيرة موجودة اكيد واي وحدة بموقفج بتفكر نفس التفكير بس حاولي تعيشين حياتج بروحج علشان ما تتعبين والله يوفقج حياتي

يمكن أولادك يطلعوا فالحين
ودراستهم متفوقة أكتر من أولاد زوجته التانية
أيش دراكي بكرة يخلصوا المدارس الانترناشيونال وما يجيبوا درجات
وأنتي أولادك ينجحوا بمعدلات عالية


أنتي اطلبي منه مبالغ مالية لمعاهد لغة وحاسب
ودروس خاصة رياضيات وبتكفي وبتوفي
أنا معلمة وعن خبرةأقولك كتير يدرسوا بعالمية وما يفلحوا
يعني مو عبرة العالمية بس الأهم أنك أنتي تهتمي بدراستهم بنفسك
ويدرسوا كورسات اضافية