الرجيم الفعال وعن تجربة.. حياكم

السلام عليكم ورحمة الله
هلا وغلا خواتي الحبيبات حبيت اعرض عليكم تجربتي في اداء رجيمي الخاص وانا قصتي طويلة مع الرجيم ما يمر علي فترة الا واسوي رجيم لكن للاسف ما التزمت لكن والحمد لله سويت رجيم ناجح مرتين المرة الاولى كان وزني 102 وسويت تخفيف وصلت لي 95 وبعدين سوينا رجيم جماعي في البيت لمدة 4 شهور وصار وزني 68
لكن للاسف تركت الرجيم ورجع وزني ووصل مرة ثانيه 105 اتوقع وبعدين سويت رجيم انا واختي ونزلت الوزن الى 77 ومرة ثانيه تركت الرجيم ووزني حاليا 83
لكن من فترة سويت رجيم راااااااااااااااااائع بمعنى الكلمة اكثر رجيم فعال ومريح وعن تجربة نقصني كيلوين بالاسبوع بس بدون رياضه بس كنت امشي ساعه سويته اسبوعين ونقصت 4 كيلو واكثر يمكن لكن بعدين كان لازم اكل ادوية فما قدرت انتظم على الرجيم ورجعت الكيلوات الي نزلتها
لكن قررت ارجع اطبقه من جديد وابيكم تسوون معاي وتشجووووووووني وصدقوني ما بتندمون لانه رووووووووووعه بمعنى الكلمة.. وعلشان ننجح في اداء الرجيم احنه نحتاج لفترة استعداد يعني اول يومين تحاولين تلتزمين بس بالريوق المحدد والغدا والعشا عادي وبعد ما تكونين تعودتي على الريوق تحاولين تطبيق العشا معاه بعد لفترة يومين واخر شي تتطبقين الغدا انا كنت اسوي جي
وهذا اهو الرجيم الي انا حاليا اسويه:

الريوق: بيضتان مسلوقتين+ قطعتين جبن كيري + برتقالة وانا احب اشرب ينسون على الريوق

الغدا : نصف اكلج العادي لا تبدعين او تاكلين اكل غريب عليج يعني نفس الاشياء الي عادة تاكلينها على الغدا كليها بس قللي الكمية

العشا: عبارة عن روب + تفاح + لوز مبشور بس غير مملح والكمية تقريبا نصف كمية ملة الروب

وعلى فكرة انا كنت اكل حلاوة مرتين بالاسبوع مثل كيت كات او جلكسي او اي شي احبه اخليه بس مرتين بالاسبوع وعلشان جذي هذا الرجيم روووووووووعه ومافي حرمان ابدا طبقوه لمدة اسبوع وخبروني عن نتايجكم
انا من بداية هالاسبوع في فترة الاستعداد لكن اليوم اول يوم التزم فيه كليا..
يالله شدو الهمة وخلونا نكون ملكات جمال في عيد الاضحى..:)