الرحم المغلق والولادة

هل صحيح الولادة الاولى صعبة وبعدين تهون والا هو مجرد كلام 😪
لاني لما تنومت مع بنتي اللي معاي بالغرفة تقول هي كل ولادتها اطفالها احتاجوا دخلوا الحضانة
تعبت وأنا نفاس من اول يوم ركبت سيارة وأنا فيني خياطة رايحة جاية الحضانة شهر كامل غير بعدين احتاجت تنويم وأنا نفاس مرة تعبت ماعشت نفاسي وأنا مريحة والتهبت خياطتي شفت العذاب الله يكتب اجرنا.
لاتبخلوا علي بتجاربكم تعبانه نفسيتي اللي كان رحمها مغلق كيف ولادتها الثانية ولو كان ملتف الحبل السري ع الجنين عند الولادة هل ولادة ثانية نفس الشيء والا احسن من الاولى.

الهون من الله ياخيتي ، وباذن الله ان ربي بيهون عليك ، واذا شافوا ولادتك بداية تعسر خل يولدونك قيصري على طول ترى القيصري رحمة من الله

طلبت قيصري بس رفضت الدكتورة تقول صبرتي واجد والحين تبغي قيصري بعدين تحجج أقول ترى النبض بدا يضعف يالله والدي وكانه الموضوع بيدي والطلق فظهري بموت حاطين لي طلق صناعي وطولت ماولدت وأنا ماقادرة أدفع اصلا كل مادفع بنتي ماقدر اكمل ماعندي نفس صرت من ألم الطلق ومن كثرة الدفع غير الكامل لما ولدتها تضررت وبان ان الحبل السري ملتف على رقبتها وأنا كم مرة دفعتها ومايدرو وتبرزت فبطني وبلعت سوائل من الرحم كان هي لو رحمتني وسوت قيصري ماصار كل هذا 💔 وأنا كنت ادعي يارب ماولد قيصري لاني ماعندي من يقوم بي فنفاسي وأنا بكرية الحمدلله ع كل حال.
عاد الدكتورة اللي سوا لي تحريض سوت لي بدفاشة تحط مادة زي الجل ومن بعدها يجي لي طلق نار وشرار حتى اني ودي امشي عشان يسهل ولادتي مقدر اوقف امشي خطوة مقدر اكمل تجي لي طلق قوي وارجع مكاني لان وضعي كان تنويم قبل الولادة وأنا خائفة المرة الجاية بعد الرحم مغلق أنا توقف الحركة عندي
وأنا جدا محتارة الحين وين اولد ودي اروح خاص عشان اجرب ابرة الظهر مرة عانيت من الطلق حتى الدكتورة رحمتني كانت بتجهيز اوراقي لاطلع من عندهم لأني بموت بس يقولوا مايتعاملوا غير بقيصري وعمري مايسمح على مابال أحمل مرة ثانية يقولوا ٥ سنوات بس هو صدق رحمة الله يكتب اللي فيه الخير يجزاك خيير ع تفاعلك في موضوعي الله يفتحها عليك من واسع ابوابه.

وشو خمس سنوات ؟؟؟ الحريم يجلسن سنتين ويحملن وبعضهن اقل ،، للتخلين تجربة ولادة سيئة تنكد عليك ، عاد احس هالمرة ان بي يسر وتمم لك بتولدين اسهل ولادة ، وروحي لخاص ولو ماعندك فلوس دبري بس لزوم تكونين بالتلسع عشان النونو مايحتاج حضانه …..

تدرين وش مشكلتك ؟! مشكلتك انك رحت لمستشفى سيء وماخافوا الله فيك ، فهالم ة باذن الله بتتيسر لك مع احلى طبيبة وابرة ظهر والا قيصري المهم ولادة سهلة ،،، دعواتي الصادقة لك

اميين يارب
الله يحقق امنياتك ويرزقك اضعاف دعواتك واجمل منها🌹
ان شاء الله بشوف مع هالزوج ان قنعته بس صديقه توه زوجتة والدة في المستشفى اللي أنا ولدت فيه وكانت ماشاء الله ولادتها سهلة وهو متاثر فتح لي الموضوع ويقول يقول صديقه والله مافي احسن منه 😭💔
راح كل جهدي في اقناعه يارب اكتب لي الي فيه الخير دكتورتي اطلعت على ولادتي السابقة ووضع بنتي تقول بتشوف كيف بتكون ولادتي هالمرة ولاردا لي خبر وتبغاني اتبع العيادة النفسية وأنا وصلت لمرحلة ماينفع معاي علاج نفسي لان الخطأ من المستشفى جهاز الفلاش خربان ومايدرو ان وضع بنتي طارئ... ادري وش يقول الدكتور ماهو كل ولادة نفس بعض وأنا ودي انسى الموضوع ولا ودي يفتحه معاي يسبب لي ازمة زيادة .