هلا اختي انا بعد مثلج رحمي ذو القرنين بس ماسوولي ربط بس فبداية الحمل كنت انزف وبعدين قالولي لازم ترتاحيييييين الحين انا حامل فالاسبوع الثلاثين ادعيلي اكمل حملي:)

أختي العزيزه ..

أنا سالفتي سالفه مع الرحم ذو القرنين ...

انا رحت لمركز أعاني من تأخر الانجاب ..وشخصوا لي حالتي انه رحم ذو القرنين ..وزوجي عنده ضعف

وقلة ..ومافيه حل غير اطفال الأنابيب ..ولو صار حمل اسوي ربط ..

المهم سويت اطفال انابيب ..والحمدلله حملت ..ويوم صرت بالثالث جاني نزيف واجهضت ..وكررت

العمليه بعدها مرتين وما صار حمل ..

بعدها غيرت المركز ورحت لمركز الحبيب عند د/ بقنه .. الله يجزاه خير ..

لما شاف الأشعه قال من قال هذا رحم ذو القرنين ..هذي لحميه ((حاجز)) قاسم الرحم نصفين ..

ومستحيل يستمر الحمل ..يعني اشهر بسيطه وبعدها اجهاض ..وكيف يسوون لك أطفال انابيب والرحم

كذا ..ونسبة الاجهاض 80% .. صراحه انقهرت ..لأني تعبت من العمليات وخساير ماديه مالها حد ..

قال اسوي لك منظار ونشيل الحاجز ..وبعدها سوي أطفال أنابيب ,,والحمدلله سويت منظار وشلت الحاجز

وسويت بعدها أطفال أنابيب ..والحمدلله من الله علي بالحمل الله يتمم علي يارب ..بعد 7سنوات من

المعاناه ..

فانتي اختي العزيزه تأكدي يمكن اللي فيك مو رحم ذوو القرنين ..ممكن مثل حالتي ..وترا مايميز هالشئ

إلا طبيب شاطر مو تروحين لأي احد ..

انتي بأي مستشفى تتعالجين ..؟؟

السلام عليكم ورحمه الله وبركاته
الله يجزاكم خير على ردكم
اخت toony
الله يطمنك طمنتيني انا فعلا عملت ربط في حملى بس اللى تعبني كثر النزيف
اختي ما فهمت زين هل قد حملتي قبل وولدتي طبيعي يعني كملتي 9 شهور او انتي الحين حامل؟
وفي اي شهر اذا كنتي حامل؟

اخت هتان انا زيك اعالج عند البقنه
وهو اللى في البدايه شك في الرحم بس بعد ما حملت
ولما ولدت طبعا كانت قيصريه قالت لى الدكتوره انه رحم ذو القرنين مو حاجز وانه صغير
ولما رجعت للبقنه قال في هذي الحاله ما فيه حل الا الربط والراحه
والله يسهل على
لان الاسبوع الجاي راح اخذ الابره التحضيريه وبعدها راح ابدء في المنشطات
الله يسهل على ادعوا لى يا اخواتي الله ما اشوف اللى شفته قبل

وياليت اي وحده مرت بتجربه ناجحه تقول لى عشان ارتاح شوي
وجزاكم الف خير

up

الله يسهل عليك يارب ..وتنجح عمليتك ,,ويثبت حملك يارب العالمين ..

عليك بالدعاء ..والاستغفار ..وقراءة سورة البقرة ..والله يتم عليك الصحة والعافيه ..

دعواتي لك بالتوفيق ..