الرز الابيض !!

كثير بنات ما يعرفون يطبخون رز ابيض مضبوط اللي تخليه سليق واللي يكون ناشف والا محترق والا نيء
والرز الابيض من الاشياء الاساسيه اذا عرفتي مهارات طبخ الرز خطوه خطوه راح تبدعين بالاطباق الاخرى
عموما بعطي مهارات وشرح طبخ الرز الابيض
المقادير :
بصل - زيت - رز بسمتي ( الشعلان ) - ماء مغلي
الطريقه :
1- نغسل الرز زين زين الين تطلع المويه من الرز صافيه تماما لكن ننتبه اننا ما نعجن الرز وحنا نغسله بل بحركات رقيقه ننظف الرز عشان ماتتكسر معنا حبات الرز وننقع الرز مده ربع ساعه تقريبا
2- نقطع البصل الابيض ( الابيض افضل من البصل الاحمر لان ريحته احسن وعشان مايسود ويخرب لون الرز ) ونقطع قطع صغيره قد الامكان بس مو فرم لا اكبر من الفرم بشوي ونضيف زيت ونحمس البصل الين مايلين وقبل ما يصير لونه بني ( عشان الرز ابيض والبصل المحترق بيخرب لونه وشكله ) = طبعا ذا الخطوه مهمه عشان تصير ريحه الرز حلوه وتغطي اي ريحه شينه للرز
3- نغلي مماء فاتر بالغلايه ونصب قليل منه بالقدر على البصل بعد يصل للون المطلوب
4- نضيف الرز
5- نضيف باقي المويه المغليه للرز وزيدها مقدار ربع اصبع تقريبا عن الرز تقريبا 2 سنتيمتر
6- ننتظر المويه تغلي بالقدر اقل من 10 دقايق وبعدين نحرك الرز جيدا حتى يختلط مع البصل ونغلق القدر ليطبخ الرز لمده 16 دقيقه
7- نرجع بعد 5 دقايق للرز ونحركه مع الحواف ( طبعا لما ترجعين بيكون باقي مويه للرز ما بعد راحت عشان كذا بيمديك تحركينه ) ووبذا الوقت تاكدي ان الرز لان شوي وصارت حبته طريه وان فيه مويه بالقدر اما اذا كان الرز ناشف ومافي مويه صلحي الخطا باضافه مويه مغليه للرز بمقدار مناسب ( طبعا الرز يحرك مرتين فقط اول ما تحطينه وبعد 5 دقايق ولازم تكون مويه الرز موجوده ما بعد نشف ,غير كذا لا والا بيتكسر معك الحبات ويخرب الرز )
8- بعد ما تنتهي المده المحدده ( 16 ) دقيقه كذا يكون الرز نضج وصكري النار
وبالهنا والعافيه